சிங்கப்பூரில் பிறந்த முதல் ராட்சத பாண்டா ஓர் ஆண் கரடி

சிங்­கப்­பூ­ரில் பிறந்த முதல் பாண்டா கரடி, ஓர் ஆண் கர­டி­யா­கும். அதற்­குப் பெயர் தேடும் பட­லம் நடை­பெற்று வரு­கிறது.

ராட்­சத பாண்டா கர­டி­க­ளான காய் காய், ஜியா ஜியா இரண்­டுக்­கும் குட்­டிப் பாண்டா கரடி கடந்த ஆகஸ்ட் 14ஆம் தேதி ரிவர் சஃபாரி சுற்­றுலா தலத்­தில் பிறந்­தது. அதன் பெற்­றோர் ஏழு முறை பிள்­ளைப் பேற்றுக்கு முயன்ற பின்­னர், இக் குட்டி பிறந்­துள்­ளது.

சிங்­கப்­பூர் விலங்­கி­யல் தோட்­டத்தின் கரடி பரா­ம­ரிப்­புக் குழு பல­முறை கண்­வழி சோத­னை­களை நடத்தி குட்­டி­யின் பாலி­னத்­தை கண்­ட­றிந்­த­து. பிறகு, சீனா­வின் ராட்­சத பாண்டா பாது­காப்பு ஆய்வு மையத்­தின் நிபு­ணர்­க­ளு­டன் அது உறுதி­செய்­யப்­பட்­டது.

குட்­டியை அதன் தாயார் ஜியா ஜியா தாங்­கள் எதிர்­பார்த்­ததை விடச் சிறப்­பா­கப் பரா­ம­ரித்து வரு­வதாக விலங்கியல் தோட்­டத்­தின் துணைத் தலைமை நிர்­வா­கி­யும் அதன் தலைமை உயிர் அறி­வி­யல் துறை அதி­கா­ரி­யு­மான டாக்­டர் செங் வென்-ஹோர் கூறி­னார்.

தாய் - சேய் பிணைப்பை வலுப்­ ப­டுத்­து­வ­தற்­காக, எவ்­வ­ளவு காலம் முடி­யுமோ அது­வரை 12 வயது ஜியா ஜியா­வி­டமே அதன் பிள்ளை வளர்­வ­தற்கு பாண்டா கரடி பரா­ம­ரிப்­புக் குழு முடிவு செய்­துள்­ள­தாக டாக்­டர் செங் தெரிவித்தார்.

பாண்டா குட்டி ஓர் ஆண் என்­பது, நேற்று நடை­பெற்ற அதன் தந்தை காய் காயின் பிறந்­த­நாள் கொண்­டாட்ட நிகழ்ச்­சி­யின்­போது தெரி­விக்­கப்­பட்­டது.

வரும் 14ஆம் தேதி காய் காய்க்கு வயது 14. குட்டி பிறந்த 100 நாட்­க­ளுக்­குள், அதா­வது நவம்­பர் 21ஆம் தேதிக்­குள், அதற்கு பெயர் சூட்­டப்­படும் என்று விலங்­கி­யல் தோட்­டம் கூறி­யது. பொது­மக்­கள் செப்­டம்­பர் 19ஆம் தேதி இரவு 11.59 மணி வரை பெயர்­களை முன்­மொழியலாம்.

தேர்­வு­செய்ய முதற்­கட்ட பெயர்­க­ளி­லி­ருந்து ஒன்­றுக்கு பொது­மக்­கள் வாக்­க­ளிக்­க­லாம்.

நாடா­ளு­மன்­ற நாயகரும் மண்­டாய் பார்க் ஹோல்­டிங்ஸ் நிறு­வ­னத்­தின் துணைத் தலை­வ­ரு­மான திரு டான் சுவான் ஜின் நடு­வர் குழு­வுக்கு தலைமை வகிப்­பார்.

பெயர் கவ­ரக்­கூ­டி­ய­தா­க­வும் எளி­தில் நினை­வு­கூ­ரும் ஒன்­றா­க­வும் இருக்க வேண்­டும். சீனா­வுக்­கும் சிங்­கப்­பூ­ருக்­கும் இடை­யி­லான நட்­பைக் குறிக்­கும் ஒன்­றா­கவும் இருக்­க­வேண்­டும் என்று விலங்கியல் தோட்டம் கூறியது.