சமூக முனையமாகும் முன்னாள் புக்கிட் தீமா தீயணைப்பு நிலையம்

முன்­னாள் புக்­கிட் தீமா தீய­ணைப்­புக் கட்­ட­டம், சமூக முனை­ய­மாக மாற்­றப்­பட்டு, 2022ஆம் ஆண்டு இரண்­டாம் காலாண்­டில் திறக்­கப்­படும். அதில் உணவு வீதி, தோட்டக் கலை இடங்­கள் போன்­றவை இருக்­கும். புதிய சமூக முனை­யத்­தில் நகர்ப்­புற வேளாண்மை, நல்வாழ்வு, இயற்கை சார்ந்த நட­வ­டிக்­கை­கள் இடம்­பெ­றும்.

கல்வி நோக்­கம் கொண்ட குறுந்­தோட்­டங்­களும் அங்­கேயே விளைந்த உணவை சமைத்­துத் தரும் உண­வ­க­மும் அங்கிருக்கும்.

பழைய வளா­கத்­தின் பசு­மைச் சூழ­லைப் பயன்­ப­டுத்தி, இயற்கை நடை­கள், வேளாண் வகுப்­பு­கள், வெளிப்­புற விளை­யாட்­டு­கள், யோகா வகுப்­பு­கள், அனு­ப­வ­ரீ­தி­யான நிகழ்ச்­சி­கள் போன்­ற­வற்­றுக்கு அங்கு ஏற்­பாடு செய்­யப்­படும்.

ஓல்ட் ஜூரோங் ரோடும் அப்­பர் புக்­கிட் தீமா ரோடும் சந்­திக்­கும் இடத்­தில் அமைந்­துள்ள வளா­கத் தின் பரப்­ப­ளவு 0.83 ஹெக்­ட­ரா­கும்.

புக்­கிட் தீமா தீய­ணைப்பு நிலை­யம் 2005ஆம் ஆண்டு மூடப்­பட்ட பின்­னர் குத்­த­கைக்கு விடப்­பட்­டது.

வரும் 2025ஆம் ஆண்டு திறக்­கப்­ப­ட­வுள்ள ஹியூம் எம்­ஆர்டி ரயில் நிலை­யத்­துக்கு சுமார் 600 மீட்­டர் தொலை­வில் முனை­யம் இருக்­கும்.அத்­து­டன் சமூக முனை­யம், அப்­பர் புக்­கிட் தீமா வட்­டா­ரத்­தில் உள்ள மர­பு­டைமை, இயற்­கைத் தளங்­களுக்கு அரு­கில் உள்­ளது.

முனை­யத்­தைக் கட்­டும் குத்­த­கையை, 'ஹோம்ஸ்­டேட் ஹாலந்து' எனும் நிறு­வ­னம் பெற்­றுள்­ளது. நிலைத்­தன்­மை­யுள்ள பயன்­பாட்­டுக்கு கட்­ட­டங்­களை மாற்­றும் உல­க­ளா­வி­யப் போட்­டி­யின் கீழ் குத்­தகை வழங்­கப்­பட்­டது.