மாணவர் முரசு
இ-பேப்பர்
ஆசிய பசிபிக் வட்டாரத்தில் உள்ள பெண் தொழிலதிபர்கள் உள்ளிட்டோரை இணைக்க சிங்கப்பூர் வர்த்தக சம்மேளனம் புதிய கட்டமைப்பு ஒன்றைத் தொடங்கியுள்ளது. 'எஸ்-ஜி வென்' எனும் சிங்கப்பூர் பெண் தொழிலதிபர்கள் கட்டமைப்பு, குறிப்பாக தென்கிழக்காசியாவில் உள்ளவர்களை இணைக்கும்.
வட்டார அளவில் இயங்கும் வர்த்தகத் தலைவர்கள், வர்த்தகச் சங்கங்கள் ஆகியவற்றுடனும் தொழிலதிபர்களை இணைக்க நேற்று தொடங்கப்பட்ட இந்தக் கட்டமைப்பு உதவும். இதன் மூலம் பல்வேறு துறைகள், பின்னணிகளைச் சேர்ந்த பெண் தொழிலதிபர்களை ஈர்ப்பது நோக்கம் என்று சிங்கப்பூர் வர்த்தகச் சம்மேளனம் கூறியது.
ஆண் வர்த்தகர்களுக்கு இருக்கும் கட்டமைப்புகளைக் காட்டிலும் பொதுவாக பெண்களுக்கான கட்டமைப்பு சிறிய அளவில் இருந்து வந்துள்ளதாக 'எஸ்-ஜி வென்' நிர்வாகக் குழுத் தலைவர் ரேச்சல் எங் கூறினார். தென்கிழக்காசிய, ஆசிய பசிபிக் வட்டாரங்களில் உள்ள இதர பெண் தொழிலதிபர்களுடன் இணைந்து செயல்படும்போது அனைவரும் தங்களை மேம்படுத்திக்கொண்டு ஒன்றாக வளர வாய்ப்புகள் உருவாகலாம் என்று அவர் குறிப்பிட்டார்.