மாணவர் முரசு
இ-பேப்பர்
கொள்ளைநோய்ச் சூழலில் சேவைத் துறையை உருமாற்றுவதற்கு அறிவார்ந்த சேவை எந்திரங்கள் கைகொடுக்க உள்ளன.
'சாஃப்ட்பேங்க் ரோபோடிக்ஸ் குருப்' மற்றும் 'கீன்ஒன் ரோபோடிக்ஸ்' நிறுவனத்தின் கூட்டணியில் உருவாக்கப்பட்டுள்ள இப்புதிய எந்திரங்கள், எதிர்கால சேவைத் துறையின் சின்னமாக விளங்கவுள்ளன.
'கீன்போட்' என்ற இக்குறிப்பிட்ட எந்திரம், உணவு விநியோகத்தை மேலும் துரிதமாகச் செய்ய உதவலாம் என்று எதிர்பார்க்கப்படுகிறது.
இதைக் கொண்டு பேரங்காடி ஒன்றில் 'கிராப் சிங்கப்பூர்' செய்த முன்னோட்டத்தில், உணவு விநியோக நேரம் கிட்டத்தட்ட 5 முதல் 15 நிமிடங்கள் குறைக்கப்பட்டதாக நிறுவனத்தின் நிர்வாக இயக்குநர் திரு யீ வீ தங் கூறினார்.
வாடிக்கையாளர் அனுபவத்தை மேம்படுத்தியதுடன் உணவு விநியோக ஓட்டுநர்களால் கூடுதல் உணவை விநியோகம் செய்யவும் காத்திருப்பதிலும் பேரங்காடியில் நடப்பதிலும் செலவிடும் நேரத்தைக் குறைக்கவும் இந்த அறிவார்ந்த எந்திரங்கள் வாய்ப்பளித்துள்ளதாக அவர் தெரிவித்தார்.
அறிவார்ந்த தேசமாக சிங்கப்பூர் மாறும் இலக்குக்கு இத்தகைய எந்திரத் திட்டங்கள் தோதாக இருப்பதாகக் கூறப்பட்டது.