குறைவான திருமணங்கள், குழந்தை பிறப்புகள்

கொள்­ளை­நோ­யின் கார­ண­மாக சில சிங்­கப்­பூ­ரர்­கள் திரு­ம­ணம், குழந்தை பெற்­றுக்­கொள்­வது குறித்த திட்­டங்­க­ளைத் தள்­ளிப் போட்­டுள்­ள­னர். இதன் விளை­வா­கக் கடந்த ஆண்டு சிங்­கப்­பூ­ரில் பதிவு செய்­யப்­பட்ட திரு­ம­ணம், பிறப்­பு­க­ளின் எண்­ணிக்கை ஆகி­யவை குறைந்­துள்­ளன என அர­சாங்­கம் நேற்று வெளி­யிட்ட வருடாந்­திர மக்­கள் தொகை அறிக்­கை­யில் தெரி­விக்­கப்­பட்­டுள்­ளது.

2020ல் குடி­மக்­க­ளி­டையே 19,430 திரு­ம­ணங்­கள் பதி­வா­யின. 2019ல் 22,165 எண்­ணிக்­கை­யை­விட இது 12.3% குறைவு. இது 2010ஆம் ஆண்­டில் பதி­வான 20,273 திரு­மணங்­க­ளுக்­குப் பிறகு ஆகக் குறை­வான எண்­ணிக்கை.

கொள்­ளை­நோ­யால் ஒன்­று­கூடல்­க­ளுக்கு எதி­ராக விதிக்­கப்­பட்டுள்ள கட்­டுப்­பா­டு­க­ளால் பலர் திரு­ம­ணங்­க­ளைத் தள்­ளிப் போட்டிருக்­க­லாம் என அ­றிக்­கையை வெளி­யிட்ட தேசிய மக்­கள் தொகை, திற­னா­ளர் பிரிவு தெரி­வித்­தது. எண்­ணிக்­கை­யின் ஆகப் பெரிய சரிவு 2020ன் முதல் பகு­தில் நிகழ்ந்­தது. ஏப்­ரல் 7லிருந்து ஜூன் 1 வரை விதிக்­கப்­பட்ட முடக்­க­நிலை­யின்­போது திரு­ம­ணங்­களை நேரடி­யாக நடத்த தடை விதிக்­கப்­பட்­டது. மார்ச் மாதத்­தி­லி­ருந்து ஜூன் மாதம் வரை 2,200 திரு­ம­ணங்­களே பதிவாயின. இது 2019ன் அதே கால­கட்­டத்­தில் ­4,800 ஆக இருந்­தது.

ஆயி­னும், கட்­டுப்­பா­டு­கள் மேலும் தளர்த்­தப்­பட்­ட­போது, 2020ன் இறுதி மூன்று மாதங்­களில் 7,700 திரு­ம­ணங்­கள் பதி­வா­யின. இது 2019ல் 6,900ஆக இருந்­தது.

2019ஆம் ஆண்­டு­டன் ஒப்­பி­டு­கை­யில், சென்ற ஆண்டு வெளி­நாட்­ட­வர்­க­ளுக்­கும் சிங்­கப்­பூர் குடி­மக்­களுக்­கும் இடையே பதி­வான திரு­மணங்­க­ளின் எண்­ணிக்கை 7% குறைந்­தது. இது 2010ஆம் ஆண்டுக்­குப் பிறகு ஆகக் குறை­வான விகி­தம்.

இதற்­கி­டை­யே, குடி­மக்­க­ளி­டையே பதி­வான பிறப்­பு­ விகிதம் 3.1% குறைந்து 31,816ஆக பதி­வா­னது. ஒப்­பு­நோக்­கை­யில் 2019ல் 32,844 பிறப்­பு­கள் பதி­வா­யின.

அதே காலகட்­டத்­தில் 2019ல் சுமார் 8,700ஆக இருந்த எண்­ணிக்கை சென்ற ஆண்டு 8,000ஆக குறைந்­தது. கொள்­ளை­நோ­யால் குழந்தை பெற்­றுக்­கொள்­வ­தைத் தம்­ப­தி­யர்­ தள்­ளிப்போட்­டி­ருக்­க­லாம் என்­றும் அறிக்­கை­யில் தெரி­விக்­கப்­பட்­டது.

சிங்­கப்­பூ­ரின் மொத்த கருத்­த­ரிப்பு விகி­தம் 2019ன் 1.14ஐ விட குறைந்து சென்ற ஆண்டு 1.1ஆக உள்­ளது. வெவ்­வேறு இனத்­த­வரை ஒப்­பி­டு­கை­யில் மலாய் இனத்­த­வர்­க­ளி­டையே மட்­டும்­தான் இவ்­வி­கி­தம் சென்ற ஆண்­டில் 1.8லிருந்து 1.82ஆக அதி­க­ரித்­துள்­ளது. சீனர்­க­ளி­டையே இது 0.99லிருந்து 0.94ஆக­வும் இந்­தி­யர்­க­ளி­டையே 0.98லிருந்து 0.96 ஆக­வும் குறைந்­துள்­ளது.

மக்­கள் பொது­வா­கத் தாம­தமாகத் திரு­ம­ணம் செய்­து­கொள்­ள­வும் பிள்­ளை­கள் பெற்­றுக்­கொள்­ள­வும் விரும்­பு­வதே விகி­தத்­தின் குறை­வுக்­குக் கார­ணம் என்றது அறிக்கை.

கடந்த ஆண்டு முதல் திரு­ம­ணம் செய்­து­கொள்­ளும் சரா­சரி வயது மண­ம­கன்­க­ளுக்கு 30.1ஆக­வும் மணப்­பெண்­க­ளுக்கு 28.4ஆக­வும் இருந்­தது. பெண்­கள் முதல் குழந்தை பெற்­றுக்­கொள்­ளும் சரா­சரி வயது 30.8ஆக இருந்­தது. இவை 2019ன் எண்­ணிக்­கை­யோடு ஒப்­பி­டு­கை­யில் ஏறத்­தாழ ஒரே அள­வில் அமைந்­துள்­ளன.

ஆயினும் இவ்வாண்டின் முதல் ஏழு மாதங்களில் திருமணப் பதிவுகளின் எண்ணிக்கை நோய்த்தொற்றுக்கு முந்தைய அளவுக்குத் திரும்பியுள்ளது என சமுதாய, குடும்ப மேம்பாட்டு துணை அமைச்சர் சுன் ஷுவெலிங் நேற்று தமது ஃபேஸ்புக் பக்கத்தில் பதிவிட்டுள்ளார்.