மாணவர் முரசு
இ-பேப்பர்
புதிய சமையல் குறிப்புகளைத் தேடிப் பெற்றுக்கொள்ள ஓய்வு பெற்ற 68 வயது திருவாட்டி கோ கெக் கின்னுக்கு பிடிக்கும். மன வளர்ச்சி குன்றிய தமது 35 வயது மகள் கிளாடிஸ் கோவுக்குப் பிடித்த உணவுகளைச் சுவாரசியமான முறையில் சமைத்துப் பரிமாற அவர் விரும்புகிறார்.
தமது மகளுக்கு இதய குறைபாடும் மூச்சிரைப்பும் இருப்பதால், அவர் ஆரோக்கியமான உணவு உட்கொள்வது கட்டாயம்.
ஆனால் திருவாட்டி கோவின் மகளுக்குக் காய்கறிகள் பிடிக்காது. மேலும் உணவுக்குச் சுவையூட்டும் உப்பு, எண்ணெய், போன்றவற்றை அவர் அளவோடு மட்டுமே உட்கொள்ள வேண்டும்.
நேற்று திருவாட்டி கோவும் அவரது மகளும் புது சமையல் வகுப்பில் கலந்துகொள்ள அழைக்கப்பட்டனர். எளிதில் கிடைக்கக்கூடிய பொருட்களைக் கொண்டு ஆரோக்கியமான உணவைத் தயாரிப்பதைப் பற்றி அவ்வகுப்பில் கற்றுக்கொள்ளலாம். இவ்வகுப்பு வசதி குறைந்தோருக்கு உணவு நன்கொடை ஏற்பாடுகள் செய்யும் 'ஃபூட் பேங்க் சிங்கப்பூர்' என்ற அறநிறுவனத்தால் ஏற்பாடு செய்யப்பட்டுள்ளது.
'மசாக் மசாக்' (மாலாய் மொழியில் சமை என்ற பொருள் கொண்டது) எனப்பெயரிடப்பட்டுள்ள ஆரோக்கியமான உணவுகளை உட்கொள்வதைப் பற்றியும் அவற்றை சமைக்கும் முறை பற்றியும் குறைந்தோருக்கு கற்றுக்கொடுப்பதே இந்த மாதாந்தர வகுப்பின் நோக்கம்.
தன்னார்வலரான சமையல் நிபுணர் ஒருவர் நன்கொடையாக வழங்கப்பட்ட உணவுப் பொருட்களைக் கொண்டு ஆரோக்கியமான உணவைச் சமைத்துக் காட்டுவார்.
2025ஆம் ஆண்டுக்குள், வசதியின்மையால் தரமான உணவு கிடைக்காத சூழலைப் போக்குவதற்கு 'சிங்கப்பூர் ஃபூட் பேங்' அமைப்பு இலக்கு கொண்டுள்ளது. அதன் ஒரு பகுதியாக இந்த முன்னோடித் திட்டம் அறிமுகப்படுத்தப்படுகிறது.
வகுப்புகளில் உணவு சமைக்க கற்றுக்கொடுக்க விரும்புவோர், 'enquiries@foodbank.sg' என்ற முகவரிக்கு மின்னஞ்சல் அனுப்பலாம்.