'போதிய வளம் இல்லாததே பராமரிப்பு தாமதத்திற்கு காரணம்'

வெஸ்ட்­லைட் ஜாலான் துக்­காங் விடு­தி­யில் எதிர்­பா­ராத வித­மாக கொவிட்-19 தொற்று கூடி­யதை அடுத்து, போதிய வளங்­கள் இல்­லாத கார­ணத்­தி­னால் அந்த விடுதி­யில் இருந்து ஊழி­யர்­களை பரா­மரிப்பு நிலை­யங்­க­ளுக்கு அனுப்­பு­வதில் தாம­தம் ஏற்­பட்­ட­தாகத் தெரி­விக்­கப்­பட்டு உள்­ளது.

ஜூரோங்­கில் இருக்­கும் அந்த விடு­தி­யில் அண்­மைய நாட்­களில் தொற்றுக் கூடி­யது.

முத­லாளி ஒரு­வர், அந்த விடுதி­யில் தங்கி இருக்­கும் தன்­னு­டைய ஊழி­யர்­க­ளுக்கு மொத்­த­மாக கட்­டாய பரி­சோ­தனை நடத்­தி­ய­தன் விளை­வாக தொற்று அதி­க­ள­வில் தெரி­ய­வந்­தது என்று வெளி­நாட்டு ஊழி­யர்­க­ளைப் பரா­ம­ரிப்­ப­தற்­காக அமைக்­கப்­பட்ட மனி­த­வள அமைச்­சுப் பிரி­வின் தலை­வ­ரான துங் யுய் ஃபாய் நேற்று தெரி­வித்­தார்.

அந்த விடு­தி­யில் தங்கி இருக்­கும் ஊழி­யர்­களில் பெரும்­பா­லா­ன­வர்­கள் தடுப்­பூசி போட்­டுக்­கொள்­ள­வில்லை என்று அந்த விடு­திக்­குச் சென்ற திரு துங் சுட்­டிக்­காட்­டி­னார்.

ஜாலான் துக்­காங் விடு­தி­யில் 2,000 ஊழி­யர்­கள் தங்கி இருக்­கிறார்­கள். அவர்­களில் 500 பேருக்குத் தொற்று இருந்­த­தாக மதிப்­பி­டப்­படு­கிறது.

அந்த ஊழி­யர்­களில் ஏறத்­தாழ 1,400 பேர் செம்ப்­கார்ப் மரின் நிறு­வனத்­தைச் சேர்ந்­த­வர்­கள்.

கொவிட்-19 தொற்று உள்­ள­வர்­களைத் தனி­மைப்­ப­டுத்­து­வ­தில் தாம­தம், தர­மற்ற உணவு ஆகி­யவை தொடர்­பில் ஊழி­யர்­க­ளுக்­கும் நிர்­வா­கத்­திற்கும் இடை­யில் பிரச்­சினை ஏற்­பட்­ட­தாக தெரி­விக்­கப்­பட்­ட­தற்கு இரண்டு நாள் கழித்து திரு துங்­கின் வருகை இடம்­பெற்­றது.

விடு­தி­வா­சி­களுடன் உரையாடிய திரு துங்­, அவர்கள் எழுப்­பிய பிரச்­சி­னை­க­ளுக்கு அந்த விடு­தியை நடத்­தும் நிறு­வ­னம், முத­லாளி ஆகி­யோ­ரு­டன் சேர்ந்து படிப்­ப­டி­யா­கத் தீர்வு காணப்­பட்டு வரு­வ­தா­க­வும் குறிப்­பிட்­டார்.