சிங்கப்பூரர் அல்லாத மாணவர்க்கு பள்ளிக் கட்டணம் உயரும்

அர­சாங்க நிதி பெற்ற பள்­ளி­களில் படிக்­கும் சிங்­கப்­பூர் குடி­யு­ரிமை இல்­லாத மாண­வர்­க­ளுக்­கான பள்­ளிக் கட்­ட­ணங்­கள் அடுத்த ஆண்டு உய­ரும்.

வரும் 2022ஆம் ஆண்­டி­லும் 2023ஆம் ஆண்­டி­லும் நிரந்­த­ர­வாசி­கள் செலுத்­தும் மாதாந்­தி­ரப் பள்­ளிக் கட்­ட­ணம் $25 முதல் $60 வரை கூடும்.

அனைத்­து­லக மாண­வர்­கள், படிக்­கும் வகுப்­பு­க­ளைப் பொறுத்து அவர்­கள் $25 முதல் $150 வரை கூடு­த­லா­கச் செலுத்த வேண்­டி­ யிருக்­கும். கல்வி அமைச்ச இதை நேற்று தெரி­வித்­தது.

2022ஆம் ஆண்டு, 2023ஆம் ஆண்டு ஜன­வ­ரி­யில் பள்­ளிக் கட்­டண உயர்வு நடப்­புக்கு வரும்.

பள்­ளிக் கட்­ட­ணங்­க­ளுக்­கான வழக்­க­மான மறு­ஆய்­வின்படி மாற்­றங்­கள் செய்­யப்­ப­டு­வ­தா­க­வும் பெற்­றோர் திட்­ட­மிட உத­வும் பொருட்டு இத்­த­க­வல் தெரி­விக்­கப்­ப­டு­வ­தா­க­வும் கல்வி அமைச்சு கூறி­யது.

தொடக்­கப் பள்­ளிக் கட்­ட­ணம்

தொடக்­கப்­பள்­ளி­களில் படிக்­கும் நிரந்­த­ர­வா­சி­ மாணவர்க­ளுக்­கான தற்­போதைய மாதாந்­தி­ரக் கட்­ட­ணம் $205 ஆகும்.

அடுத்த ஆண்டு இக்­கட்­ட­ணம் மாதம் $230 ஆ­க­வும் 2023இல் மாதம் $255 ஆ­க­வும் அதி­க­ரிக்கும்.

ஆசி­யான் நாடு­க­ளைச் சேர்ந்த அனைத்­து­லக மாண­வர்­க­ளுக்கு 2022இல் மாதாந்­தி­ரப் பள்­ளிக் கட்­ட­ணம் $490 ஆக­வும் 2023இல் $515 ஆ­க­வும் உயர்த்­தப்­படும்.

இவர்­கள் தற்­போது மாதம் $465 செலுத்தி வரு­கின்­ற­னர்.

ஆசி­யான் தவிர மற்ற நாடு­ க­ளைச் சேர்ந்த மாண­வர்­கள் தற்­போது மாதம் $775 செலுத்தி வரு­கின்­ற­னர். அடுத்தாண்டு அந்தக் கட்­ட­ணம் மாதம் $825 ஆ­க­வும் 2023இல் மாதம் $875 ஆக­வும் உய­ரும்.

உயர்­நி­லைப் பள்­ளி­கள்

உயர்­நி­லைப் பள்­ளி­களில் பயி­லும் நிரந்­த­ர­வா­சி­கள் தற்­போது மாதம் $380 பள்­ளிக் கட்­ட­ணம் செலுத்­து­கின்­ற­னர்.

அடுத்த ஆண்டு இந்தக் கட்­ட­ணம் மாதம் $440 ஆ­க­வும் 2023இல் மாதம் $500 ஆ­க­வும் உய­ரும்.

ஆசி­யான் நாடு­க­ளைச் சேர்ந்த அனைத்­து­லக மாண­வர்­க­ளுக்­கான மாதாந்­தி­ரக் கட்­ட­ணம், 2022இல் $840 ஆ­க­வும் 2023இல் $900 ஆக­வும் கூடும்.

ஆசி­யான் தவிர பிறநாட்டு உயர்­நி­லைப் பள்ளி மாண­வர்­க­ளுக்­குத் தற்­போது மாதம் $1,450 கட்­ட­ணம் வசூ­லிக்­கப்­ப­டு­கிறது. அடுத்த ஆண்டு அந்­தத் தொகை மாதம் $1,600 ஆ­க­வும் 2023இல் மாதம் $1,750 ஆக­வும் அதி­க­ரிக்­கப்­படும்.

புகு­முக வகுப்பு மாண­வர்­கள்

புகு­முக வகுப்­பு­களில் பயி­லும் நிரந்­த­ர­வா­சி­கள் தற்­போது மாதாந்­தி­ரக் கட்­ட­ண­மாக $460 செலுத்­து­கின்­ற­னர். அடுத்த ஆண்டு இக்­கட்­ட­ணம் மாதம் $520 ஆ­க­வும் 2023இல் மாதம் $580 ஆ­க­வும் உய­ரும்.

ஆசி­யான் நாடு­க­ளைச் சேர்ந்த புகு­முக வகுப்பு மாண­வர்­க­ளுக்­கான மாதாந்­தி­ரக் கட்­ட­ணம், 2022இல் 1,040 வெள்­ளி­யா­க­வும் 2023இல் 1,100 வெள்­ளி­யா­க­வும் உய­ரும்.

ஆசி­யான் தவிர பிறநாட்டு மாண­வர்­க­ளுக்­குத் தற்­போது மாதம் $1,800 கட்­ட­ணம் வசூ­லிக்­கப்­ப­டு­கிறது. 2022இல் அக்­கட்­ட­ணம் மாதம் $1,950 ஆக­வும் 2023இல் மாதம் $2,100 என்றும்­அதி­க­ரிக்­கப்­படும்.

சிங்­கப்­பூ­ரர்­க­ளுக்­கா­னப் பள்­ளிக் கட்­ட­ணங்­களில் மாற்­ற­மில்லை என்று அமைச்சு கூறி­யது.

சிங்­கப்­பூ­ரர் இல்­லாத மாண­வர்­ க­ளுக்­கா­னப் பள்­ளிக் கட்­ட­ணங்­கள் கடந்த சில ஆண்­டு­க­ளாக உயர்ந்து வரு­கின்­றன.