துரித வளர்ச்சி கண்ட தனியார் வீட்டு விலை

சிங்­கப்­பூ­ரின் தனி­யார் வீட்டு விலை­கள், மூன்­றாம் காலாண்­டில் மேலும் விரை­வாக வளர்ச்சி கண்­டது. கொவிட்-19 கட்­டுப்­பா­டு­கள் மீண்­டும் கடு­மை­யாக்­கப்­பட்­ட­து­டன் வீவக மறு­விற்­ப­னைச் சந்­தை­யும் சூடு­பி­டித்­து­விட்ட கட்­டத்­தில், தனி­யார் தரை­வீ­டு­க­ளின் விற்­ப­னை­யும் விலை­யும் இந்த வளர்ச்­சிக்­குக் கார­ணம் என்று கூறப்­ப­டு­கிறது.

முந்­தைய காலாண்­டைக் காட்­டி­லும் மூன்­றாம் காலாண்­டில் தனி­யார் சொத்து மதிப்பு, 1.1% அதி­க­ரித்­துள்­ள­தாக நகர சீர­மைப்பு ஆணை­யம் (யுஆர்ஏ) நேற்று தக­வல் வெளி­யிட்­டது. தனி­யார் வீட்டு விலை­களில், இரண்­டாம் காலாண்­டில் 0.8% வளர்ச்­சி­யும் முதல் காலாண்­டில் 3.3% வளர்ச்­சி­யும் பதி­வா­கி­யி­ருந்­தன. மூன்­றாம் காலாண்­டில் 0.9% வளர்ச்சி இருக்­கும் என்ற முன்­னு­ரைப்­பைக் காட்­டி­லும் சற்று அதிக வளர்ச்சி ஏற்­பட்­டுள்­ளது.

ஆண்டு அடிப்­ப­டை­யில், தனி­யார் வீட்டு விலை 7.5% வளர்ச்சி கண்­டுள்­ளது.

தனி­யார் தரை­வீட்டு விலை, மூன்­றாம் காலாண்­டில் 2.6% வளர்ச்சி கண்­டது. இரண்­டாம் காலாண்­டில் இவ்­வகை வீடு­க­ளின் விலை­யில் 0.3% சரிவு இருந்­தது.

இதற்­கி­டையே, கூட்­டு­ரிமை மற்­றும் தனி­யார் அடுக்­கு­மாடி வீட்டு விலை வளர்ச்சி சற்று மெது­வ­டைந்­தது. இரண்­டாம் காலாண்­டில் ஏற்­பட்ட 1.1% வளர்ச்­சிக்­குப் பின் மூன்­றாம் காலாண்­டில் 0.7% அதி­க­ரிப்பு இருந்­தது.

தரை­வீடு அல்­லாத புதிய வீடு­கள் விற்­ப­னை­யான எண்­ணிக்கை, மூன்­றாம் காலாண்­டில் 19.7% அதி­க­ரித்­தது. இதன்­படி, மூன்­றாம் காலாண்­டின் 3,550 வீடு­கள் விற்­ப­னை­யா­கின.

மறு­விற்­பனை பரி­வர்த்­த­னை­களும் அதி­க­ரித்­தி­ருந்­தன. இரண்­டாம் காலாண்­டில் 5,333 ஆக இருந்த எண்­ணிக்கை மூன்­றாம் காலாண்­டில் 5,362 ஆக அதி­கரித்­தது. கடை­சி­யாக 5,000க்கும் மேற்­பட்ட மறு­விற்­பனை தனி­யார் வீடு­கள் இவ்­வாறு விற்­ப­னை­யானது, 2010ன் இரண்­டாம் காலாண்டு என்று கூறப்­பட்­டது.