ஜஸ்டின் லீ, போதை மருந்துக் குற்றத்தின் தொடர்பில் பிடிபட்ட ஐந்தாவது நன்யாங் பலதுறை தொழில்கல்லூரி மாணவர்

எல்­எஸ்டி போதை மருந்து கடத்­தி­ய­தாக குற்­றஞ்­சாட்­டப்­பட்ட காலத்­தில் உயி­ரி­ழந்த 17 வயது இளை­யர் ஜஸ்­டின் லீ, போதை மருந்து குற்­றங்­க­ளின் தொடர்­பில் பிடி­பட்­டி­ருக்­கும் ஐந்­தா­வது நன்­யாங் பல­து­றைத் தொழில்­கல்­லூரி மாண­வர் ஆவார்.

மத்­திய போதைப் பொருள் ஒழிப்­புப் பிரி­வின் அதி­கா­ரி­கள் சென்ற பிப்­ர­வரி 3ஆம் தேதி, இளை­ய­ரான ஜஸ்­டின் லீயைக் கைது­செய்­த­னர். 131 எல்­எஸ்டி அஞ்­சல் அட்­டை­க­ளைக் கடத்­தி­ய­தன் தொடர்­பில் அவர் மீது ஜூன் 24ஆம் தேதி குற்­றஞ்­சாட்­டப்­பட்­டது.

செப்­டம்­பர் 24ஆம் தேதி உய­ரத்­தி­லி­ருந்து கீழே விழுந்து காயம் ஏற்­பட்டு ஜஸ்­டின் உயி­ரி­ழந்­தார்.

அவர் கைது­செய்­யப்­பட்ட பின்­னர் அவர் நன்­யாங் பல­து­றைத் தொழில்­கல்­லூ­ரி­யி­லி­ருந்து வில­கி­னார். அவர் மீண்­டும் சாதா­ரண நிலைத் தேர்வை எழு­தத் திட்­ட­மிட்­ட­தாக அவ­ரது தாயார் திரு­வாட்டி சிசி­லியா ஆவ் கூறி­னார்.

கடந்­தாண்டு நவம்­ப­ரில், எல்­எஸ்டி போதை மருந்தை விற்­ற­தற்­கா­க­வும் வைத்­தி­ருந்­த­தற்­கா­க­வும் நன்­யாங் பல­து­றைத் தொழில்­கல்­லூ­ரி­யில் படித்த சாஹில் மஹேஷ் தடா­னிக்கு சீர்­தி­ருத்­தப் பயிற்சி விதிக்­கப்­பட்­டது. அவர் மூன்று சக மாண­வர்­க­ளுக்கு போதை மருந்தை அளித்தார் அல்­லது விற்­றார்.

அந்­தத் தனித்­த­னிச் சம்­ப­வங்­கள் பற்றி அறிந்­துள்­ள­தாக நன்­யாங் பல­து­றைத் தொழில்­கல்­லூரி நேற்று முன்­தி­னம் ஸ்ட்­ரெய்ட்ஸ் டைம்­சி­டம் தெரி­வித்­தது.

சாஹி­லைப் பொருத்­த­வரை, தனது மாண­வர் நன்­ன­டத்தை விதி­மு­றை­கள் மீறப்­பட்­ட­தன் தொடர்­பில் விசா­ரனை நடத்­தி­ய­தாக கல்­லூரி சொன்னது. நான்கு மாண­வர்­களும் தண்­ட­னையை முடித்­து­விட்­டார்­கள் என்­றும் தன் மாணவர்கள் எல்லா நேரத்திலும் சட்டப்படி நடப்பர் என்று எதிர்பார்ப்பதாகவும் அது கூறியது.