பல்சுவை நிகழ்ச்சிகளைப் படைக்க சிங்கப்பூர் எழுத்தாளர் விழாவுடன் கைகோத்துள்ள தமிழ் முரசு

வரும் நவம்­பர் 5ஆம் தேதி முதல் 14ஆம் தேதிவரை நடை­பெ­ற­வுள்ள இவ்வாண்டு சிங்­கப்­பூர் எழுத்­தா­ளர் விழா­ நிகழ்ச்­சி­களில் தமிழ் முர­சும் பங்­க­ளிக்கிறது.

எழுத்­தா­ளர் விழா­வின் சில அமர்­வுத் தலைப்­பு­கள், பயி­ல­ரங்­குக் கருப்­பொ­ருட்­கள் ஆகி­ய­வற்றை முன்­மொ­ழிந்து நிகழ்ச்­சி­க­ளை சிங்­கப்­பூர் எழுத்­தா­ளர் விழா­வு­டன் சேர்ந்து வழங்­க­வுள்­ளது. அத்­து­டன் தமிழ் முர­சின் ஆசி­ரி­யர்­களும் செய்தி­யா­ளர்­களும் அமர்­வு­களில் பங்கு வகிக்­கின்­ற­னர்.

செய்­திக் கட்­டு­ரை­, அபுனைவு, புனை­வுக் கதை­க­ளுக்கு இடை­யி­லான வேறு­பா­டு­கள் பற்றி 'உண்மை பாதி கற்­பனை பாதி: கட்­டு­ரை­யும் புனை­க­தை­யும்' எனும் அமர்வு ஆராய்­கிறது. தமிழ் முர­சின் மூத்த துணை ஆசி­ரி­யர் எம்கே ருஷ்­யேந்­தி­ரன், செய்­தி­யா­ளர் இர்­ஷாத் முகம்­மது, போன்­றோர் அமர்­வு­களில் பேச்­சா­ளர் களா­கக் கலந்­து­கொள்­கின்­ற­னர்.

"எழுத்­தா­ளர் விழா­வில் நம் அன்­றாட வேலை­யின் ஓர் அங்­கம் பற்­றிய நடை­மு­றை­கள் பற்றி பல­ருக்­கும் தெரி­யாது. அதைப் பற்றி பகிர்ந்­து­கொண்டு பல­ருக்­கும் தெரியவைக்க இந்த அமர்வு மூலம் ஒரு வாய்ப்பு கிடைப்­ப­தில் எனக்கு மகிழ்ச்சி," என்­றார் இர்­ஷாத். இவ­ரு­டன், எழுத்­தா­ளர்­கள் அழ­கு­நிலா, ஹேம­லதா ஆகி­யோ­ரும் அமர்­வில் கலந்­து­கொள்­கின்­ற­னர்.

கூடா குறும்­பு­கள்: தமிழ் இலக்­கி­யத்­தில் எல்­லை­களும் மீறல்­களும் என்ற தலைப்­பி­லான அமர்வை தமிழ் முரசு செய்தி ஆசி­ரி­யர் தமி­ழ­வேல் வழி­ந­டத்­து­வார். இந்த அமர்­வில் இந்­தி­யா­வைச் சேர்ந்த கவி­ஞர் லீனா மணி­மே­கலை, உள்­ளூர் நாடக ஆசி­ரி­யர் வடி­வ­ழ­கன் பிவி­எஸ்­எஸ், எழுத்­தா­ளர் இந்­தி­ர­ஜித் ஆகி­யோர் கலந்­து­கொள்­கின்­ற­னர்.

மாடத்தி எனும் கவ­னிக்­கப்­பட்ட திரைப்­ப­டத்தை இயக்­கிய லீனா, நாட­கம், குறும்­ப­டங்­களில் பங்­கெ­டுப்­ப­வர்­க­ளுக்­காக குறும்­ப­டப் பயி­ல­ரங்கை வழி­ந­டத்­து­வார். நவம்­பர் 7, 13 ஆகிய தேதி­களில் இந்தப் ­பயில­ரங்கு நடை­பெ­று­கிறது.

பிர­பல எழுத்­தா­ளர் சு வேணு­கோ­பால், ஒரு கதை­யைப் பற்றி மாற்றி சிந்­திக்­கும் எழுத்­துப் பயி­ல­ரங்கை வழி நடத்­து­வார்.

தேக்­கா­வின், உண­வுத் தடங்­கள், அவற்­றின் கதை­க­ளைக் கேட்­ட­றி­யும் சுற்­று­லாவை பிரௌன் வாய்­சஸ் அமைப்பு படைக்­கிறது. அதில் கிரேஸ் கலைச்­செல்வி, கார்த்­தி­கே­யன் சோம­சுந்­த­ரம் போன்­றோர் பங்­கெ­டுக்­கின்­ற­னர்.

சிங்­கப்­பூர்-மலேசிய சஞ்­சி­கை­கள் பற்­றிய அமர்வு, குழந்­தை­ களுக்­கான கதை நேரம், மகா­கவி பார­தி­யா­ரின் கவி­தை­கள் இடம்­பெ­றும் பன்­மொ­ழிக் கவி­தை­கள் பற்­றிய ஒப்­பீடு போன்­ற­வை­யும் இடம்­பெ­று­கின்­றன.

மேல்­வி­வ­ரங்­க­ளுக்­கும் நுழை­வுச் சீட்­டு­க­ளுக்­கும்: www.singapore writersfestival.com

 
Article Hard Regwall
 

Register and read for free!

உங்கள் செய்தி வரம்பை எட்டிவிட்டீர்கள். மேலும் படிக்க இலவசக் கணக்கு தொடங்கவும்.
இன்று மேலும் 1 செய்திகளைப் படிக்கலாம். 
மேலும் படிக்க இலவசக் கணக்கு தொடங்கவும்.
 
 
ஏற்கெனவே பதிவுசெய்துள்ளீர்களா?
 
 

அண்மைய காணொளிகள்

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு மாதத்திற்கு $4.90 மட்டுமே! (ஒப்பந்தம் கிடையாது)
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை இலவசமாக வாசிக்க
தடையற்ற சேவைக்கு சந்தாதாரராகுங்கள். TM Icon
X

அதற்குள்ளாகவா? இந்தச் செய்திகளையும் படிக்கலாமே!

அதற்குள்ளாகவா?
இந்தச் செய்திகளையும் படிக்கலாமே!