செர்டிஸ் சிஸ்கோ பாதுகாப்புச் சேவை நிறுவனத்தின் முன்னாள் மூத்த மேலாளர் ஒருவர் கடன் என்ற பெயரில் $83,000 லஞ்சம் பெற்றதாக நேற்று நீதிமன்றத்தில் குற்றம் சாட்டப்பட்டது.
ஆல்வின் லீ மே சிம், 41, (படம்) எனப்படும் அவர் அந்த நிறுவனத்தின் பாதுகாப்புத் தீர்வு மற்றும் வளர்ச்சித் துறையில் வேலை செய்தபோது 'ஸ்கார் சர்விசஸ்' என்னும் மற்றொரு பாதுகாப்பு நிறுவனத்தின் இரு பங்குதாரர்
களிடமிருந்து 2017 ஆம் ஆண்டுக்கும் 2019ஆம் ஆண்டுக்கும் இடைப்பட்ட பகுதியில் லஞ்சம் பெற்றதாகத் தெரிவிக்கப்பட்டது. அவர் மீது 13 லஞ்சக் குற்றச்சாட்டுகளும் ஒன்பது ஏமாற்றுக் குற்றச்சாட்டுகளும் நேற்று சுமத்தப்பட்டன. லஞ்சம் கொடுக்க முன்வந்ததாகக் கூறப்பட்ட அப்துல் ரஸீஸ் ரசிட், 35, நஸரிஷம் முகம்மது இசா, 42, ஆகியோர் மீது லஞ்சம் மற்றும் போலி ஆவணக் குற்றச்சாட்டுகள் சுமத்தப்பட்டன.
செர்டிஸ் சிஸ்கோ நிறுவனத்திடமிருந்து வர்த்தக அனுகூலன்
களைப் பெறும் பொருட்டு இந்த இருவரும் லீக்கு முதலில் $43,000 லஞ்சம் கொடுத்தனர். பின்னர் கார் கடன் என்ற பெயரில் லீக்கு நஸரிஷம் $40,000 கொடுத்ததாகத் தெரிவிக்கப்பட்டது.