போலிஸ்காரர் மீது மோதிய கார்; தப்பியோடிய ஓட்டுநர் கைது

பொதுச்­சேவை அதி­கா­ரி­யி­டம் பல­வந்­த­மாக நடந்­து­கொண்­ட­தற்­கா­க­வும் போதைப்­பொ­ருள் குற்­றம் தொடர்­பான சந்­தே­கத்­தின் பேரி­லும் ஆட­வர் ஒரு­வரை போலிசார் கைது செய்­துள்­ள­னர்.

வழக்கமான சோதனையின்போது காரில் தப்­பிச்சென்ற ஓட்­டு­ந­ரும் கைது செய்­யப்­பட்­டுள்­ளார்.

நேற்­றுக் காலை அப்­பர் பாய லேபார் வட்­டா­ரத்­தில் சுமார் 9.50 மணி­ய­ள­வில் போக்­கு­வ­ரத்து போலி­சார் வழக்­க­மான சுற்­றுக்­கா­வ­லில் ஈடு­பட்­ட­போது சோத­னைக்­காக ஒரு காரை நிறுத்த சைகை காட்­டி­னர்.

அப்­போது நிறுத்­தா­மல் சென்ற காரை போக்­கு­வ­ரத்து போலி­சார் துரத்­தி­ப் பிடிக்க முயற்சி செய்தனர். கேலாங் ஈஸ்ட் அவென்யூ 1ஐ நெருங்­கி­ய­து­போது முன்­னால் சென்ற காவல்­துறை அதி­காரி ஒரு­வர் காரை மடக்கி நிறுத்­தி­னார்.

ஆனால் அந்­த கார் ஓட்­டு­நர் வேக­மாக காரை பின்­னால் ஓட்டி மீண்­டும் தப்­பிக்க முயற்சி செய்­தார்.

அந்த சம­யத்­தில் மோட்டார் சைக்கிளில் துரத்திவந்த மற்­றொரு போலிஸ்­கா­ரர் மீது கார் மோதி­யது. போலிஸ்­கா­ரர் உடனே பக்­க­வாட்­டில் குதித்­துத் தப்­பி­னார்.

அவ­ருக்கு சில சிராய்ப்­புக் காயங்­கள் ஏற்­பட்­ட­தா­க­வும் மருத்துவம­னைக்­குச் செல்ல அவர் மறுத்­து­விட்­ட­தா­க­வும் அங்கு வந்த சிங்­கப்­பூர் குடி­மைத் தற்­காப்­புப் படை­யி­னர் தெரி­வித்­த­னர்.

அதன் பிறகு ஓட்­டு­நரை தேடிக்­கண்­டு­பி­டித்து போலி­சார் கைது செய்­த­னர். அவ­ருக்கு 37 வயது இருக்­க­லாம் என்று கூறப்­ப­டு­கிறது. 34 வயது பய­ணி­யும் பொதுச்­சேவை அதி­கா­ரி­யி­டம் முரட்­டுத்­த­ன­மாக நடந்­து­கொண்­ட­தற்­காக கைது செய்­யப்­பட்­டுள்­ளார்.

போதைப் பொருள் தொடர்­பான குற்­றச்­செ­ய­லில் அவர் ஈடு­பட்­டி­ருக்­க­லாம் என்று நம்­பப்­ப­டு­கிறது.

போலிசார் சம்பவத்தை விசாரித்து வருகின்றனர்.