தீவிர சிகிச்சைப் பிரிவு நோயாளிகள் குறைவு

சிங்­கப்­பூ­ரில் தீவிர சிகிச்சைப் பிரி­வில் சிகிச்சை பெறும் கொவிட்-19 நோயா­ளி­களில் பெரும்­பா­லா­ன­வர்­கள் தடுப்­பூசி போட்­டுக்­கொள்­ளாத முதி­யோ­ரா­கவே இருக்­கின்­ற­னர்.மர­ணங்­களும் இனி­மேல்­தான் குறை­ய­வேண்­டும் என சிங்­கப்­பூ­ரின் மருத்­துவ சேவை­த் துறை இயக்­கு­நர் கென்­னத் மாக் தெரி­வித்­தார்.

இருந்­தா­லும் தீவிர சிகிச்சைப் பிரி­வில் அனு­ம­திக்­கப்­பட்டுள்ள கொவிட்-19 நோயா­ளி­க­ளின் எண்­ணிக்கை சற்று குறைந்திருப்பது நல்ல செய்­தி ­என்­றார் அவர்.

இந்த எண்­ணிக்கை தொடர்ந்து குறை­யு­மா­னால் சுகா­தா­ரப் பரா­ம­ரிப்பு ஊழி­யர்­களில் மேலும் பல­ருக்கு ஓய்வு நேரம் கிடைக்­கும் என்று நேற்று நடந்த கொவிட்-19 செய்­தி­யா­ளர் மாநாட்­டில் அவர் தெரி­வித்­தார். மருத்­து­வ­ம­னை­களில் ஞாயிற்­றுக்­கி­ழமை நில­வ­ரப்­படி, 1,525 கொவிட்-19 நோயா­ளி­கள் சிகிச்சை பெற்று வந்­த­னர். அவர்­களில் 52 பேர் அணுக்­க­மா­கக் கண்­கா­ணிக்­கப்­பட்டு வந்­த­னர். 69 பேரின் நிலைமை மோச­மாக இருந்­தது.

ஒட்­டு­மொத்­த­மா­கப் பார்க்­கை­யில், தீவிர சிகிச்சைப் பிரி­வின் பய­னீட்டு விகி­தம் 63.3% ஆகக் குறைந்துள்ளது. இது சனிக்­கி­ழமை 66.3% ஆக இருந்­ தது. ஒரு வாரத்­திற்கு முன் ஏறக்­கு­றைய 70% ஆக இது இருந்­தது என சுகா­தார அமைச்­சின் புள்­ளி­வி­வ­ரம் கூறுகிறது.

தீவிர சிகிச்சைப் பிரி­வில் சிகிச்சை பெறும் 70க்கும் அதிக வய­துள்ள கொவிட்-19 நோயா­ளி­க­ளைப் பொறுத்த வரை, ஏழு நாள் சரா­சரி விகி­தாசா­ரம், முற்­றி­லும் தடுப்­பூசி போட்­டுக்­கொள்­ளாத 100,000 பேருக்கு 45.8 ஆக இருந்­தது. அது தடுப்­பூசி போட்­டுக்­கொண்ட 100,000 பேருக்கு 6.4 ஆக இருந்­தது. இந்த வய­துப் பிரி­வி­ன­ரில் மரண விகி­தம் முற்­றி­லும் தடுப்­பூசி போட்­டுக்­கொள்­ளாத 100,000 பேருக்கு 13.7 ஆக­வும் முழுமையாகத் தடுப்­பூசி போட்­டுக்­கொண்ட 100,000 பேருக்கு 1.6 ஆக­வும் இருந்­தது.

தீவிர சிகிச்சைப் பிரி­வில் சிகிச்சை பெறும் கொவிட்-19 நோயா­ளி­க­ளின் எண்­ணிக்­கை­யும் இதர நோயா­ளி­க­ளின் எண்­ணிக்­கை­யும் கொஞ்­சம் குறைந்து இருக்­கிறது என்று பேரா­சி­ரி­யர் மாக் தெரி­வித்­தார்.