புதிய தனியார் வீடுகளின் விற்பனை மீட்சி அடைந்தது

புதிய தனி­யார் வீடு­க­ளின் விற்­பனை கடந்த மாதம் 9 விழுக் காடு உயர்­வு­டன் மீட்சி அடைந்து உள்ளது.

இதற்கு முன்பு இரண்டு மாதங்­க­ளாக விற்­பனை தொடர்ந்து மந்­த­மாக இருந்­தது.

கடந்த மாதம் மொத்­தம் 909 புதிய தனி­யார் வீடு­கள் விற்­கப்­பட்­டன.

செப்­டம்­ப­ரில் விற்­கப்­பட்ட 834 வீடு­க­ளு­டன் ஒப்­பி­டு­கை­யில் இது 9 விழுக்­காடு உயர்­வா­கும். இருந்­தா­லும் ஆகஸ்ட் மாதம் விற்­கப்­பட்ட 1,216 வீடு­க­ளு­டன் ஒப்­பி­டு­கை­யில் குறைவே. நக­ர மறுசீர­மைப்பு ஆணை­யத்­தின் புள்­ளி­வி­வ­ரங்­கள் இதனை தெரி­விக்­கின்­றன.

கடந்த ஆண்டு அக்­டோ­ப­ரில் விற்­கப்­பட்ட 654 வீடு­க­ளு­டன் ஒப்­பிட்­டால் இவ்­வாண்டு அக்­டோ­ ப­ரில் 39 விழுக்­காடு அதி­க­மாக வீடு­கள் விற்­கப்­பட்­டுள்­ளன.

கடந்த மாதம் 661 புதிய வீடு­கள் விற்­ப­னைக்கு வந்­தன. இது, செப்­டம்­ப­ரில் அறி­மு­க­மான 210 வீடு­க­ளு­டன் ஒப்­பி­டு­கை­யில் மும்­ ம­டங்கு அதி­க­மா­கும். ஓராண்­டுக்கு முந்­தைய காலத்­து­டன் ஒப்­பி­டு­கை­யில் 39 விழுக்­காடு கூடுதலாகும்.

மூன்று பிரி­வு­களில் தனி­யார் வீடு­க­ளின் தேவை அதி­க­ரித்­துள்­ள­தாக ஆரஞ்­ச்டீ அண்ட் டை நிறு­வ­னத்­தின் ஆய்வு மற்­றும் பகுப்­பாய்வு பிரி­வின் மூத்த உதவி தலை­வர் கிறிஸ்­டின் சன் கூறி­னார்.

புற­ந­கர்ப் பகு­தி­களில் புதிய வீடு­களின் விற்­பனை 38.2 விழுக்­கா­டா­க­வும் இதை­ய­டுத்து நக­ரோரங்­கள் மற்­றும் மத்­திய சிங்­கப்­பூ­ரில் உள்ள வீடு­கள் தலா 30.9 விழுக்­கா­டா­க­வும் இருந்­த­தாக அவர் தெரி­வித்­தார்.

இதற்கிடையே வீவக வீடு களின் விலை, தனியார் வீடுகளை காட்டிலும் வேகமாக அதிகரித்து வருவதால் வீவக வீட்டு உரிமை யாளர்கள் கொண்டோமினிய வீடுகளை வாங்கி வருகின்றனர்.

இவ்வாண்டின் முதல் மூன்று காலாண்டுகளில் ஏறக்குறைய 7,169 வீவக வீட்டு உரிமையாளர்கள், புதிய அல்லது மறுவிற்பனை தனி யார் வீட்டுக்கு மாறியுள்ளனர்.

கடந்த ஆண்டு இதே கால கட்டத்துடன் ஒப்பிடுகையில் இது, 21 விழுக்காடு அதிகமாகும் என்று சொத்து ஆலோசனை நிறுவன மான ஜேஎல்எல் தெரிவித்தது.