அதிக முதலீடுகளைச் செய்யும் சிங்கப்பூரர்கள்

முன்­பை­விட கூடு­த­லான சிங்­கப்­பூ­ரர்­கள் தங்­கள் சொத்­துக்­க­ளைப் பெருக்க வழி­க­ளைத் தேடி வருவதாக யுஓபி வங்கி நடத்­திய ஆய்­வில் தெரி­ய­வந்­துள்­ளது.

யுஓபி வங்­கி­யின் ஆசி­யான் வாடிக்­கை­யா­ளர் கருத்­தாய்­வின் முடி­வு­கள் நேற்று வெளி­யி­டப்­பட்­டன. ஆய்­வில் கலந்­து­கொண்­ட­வர்­களில் சுமார் 38 விழுக்­காட்­டி­னர் கடந்த ஆறு மாதங்­களில் முத­லீ­டு­களில் கூடு­தல் பணம் செலுத்­தி­யுள்­ள­தா­கக் கூறி­னர். இது ஆண்­டை­விட எட்டு விழுக்­காடு அதி­க­மா­கும்.

இரு­பத்து மூன்று வயது முதல் 39 வயது வரை பிறந்த மிலெ­னி­யல் எனப்­படும் வய­துப் பிரி­வி­ன­ரில் 46 விழுக்­காட்­டி­னர் மேலும் அதி­க­மான பணத்தை முத­லீடு செய்­ய­வி­ருப்­ப­தா­கக் கூறி­னர்.

ஒப்­பு­நோக்க, 55 வய­துக்­கும் அதி­க­மா­ன­வர்­களில் 11 விழுக்­காட்­டி­னர் மட்­டுமே முத­லீ­டு­களை அதி­கப்­ப­டுத்­தப் போவ­தா­கத் தெரி­வித்­த­னர். 40 வயது முதல் 55 வரை­யி­லான வய­துப் பிரி­வி­ன­ரில் 35 விழுக்­காட்­டி­னர் அவ்­வாறு கூறி­னர்.

முத­லீ­டு­க­ளைச் செய்­துள்ள சிங்­கப்­பூ­ரர்­களில் 51 விழுக்­காட்­டி­னர், கூடு­த­லான பங்கு பத்­தி­ரங்­களை வாங்­கத் திட்­ட­மிட்­டுள்­ள­னர்.

ஆய்­வில் கலந்­து­கொண்ட ஒட்­டு­மொத்த ஆசி­யான் மக்­களில் 64 விழுக்­காட்­டி­னர் தங்­கள் குடும்­பச் செலவு அதி­க­மானதைக் குறித்து நெரு­டல் இருப்­ப­தா­கக் கூறி­னர்.

கிரு­மிப் பர­வல் தொடங்­கி­ய­போது வரவு செல­வு­களில் செய்த மாற்­றங்­களை தொடர்ந்து கடைப்­பி­டித்து வருவதாக பாதிப் பேருக்கு மேல் தெரி­வித்­த­னர்.