ஐந்து மாதங்களுக்குப் பிறகு பூஸ்டர்; ஒரே மாதிரி ஏற்பாடு

பூஸ்­டர் தடுப்­பூ­சி­யைப் போட்­டுக்­கொள்ளத் தகு­தி பெற்­ற­வர்­கள், இரண்டு தவணை தடுப்­பூ­சி­யைப் போட்­ட­தற்கு ஐந்து மாதங்­க­ளுக்­குப் பிறகு அந்­தத் தடுப்­பூ­சி­யைப் போட்­டுக்­கொள்ளலாம் என்று சுகா­தார அமைச்­சர் ஓங் யி காங் அறிவித்துள்ளார்.

இதைக் கணக்­கிட்­டுப் பார்க்­கை­யில், மக்­கள்­தொ­கை­யில் பாதிப்­பேர் இந்த ஆண்டு முடி­வில் பூஸ்­டர் தடுப்­பூ­சி­யைப் போட்­டுக் கொண்டு இருப்­பார்­கள் என்­பது சாத்­தி­ய­ம்.

கொவிட்-19 அமைச்சுகள் நிலை பணிக்­கு­ழு­வின் இணைத் தலை­வ­ரான திரு ஓங், பூஸ்­டர் தடுப்­பூ­சி­யைப் போட்­டுக்­கொள்­வ­தற்­கான கால இடை­வெ­ளியை அனைத்து வயதுப் பிரி­வி­ன­ருக்­கும் ஐந்து மாத­மாக ஆக்­க­லாம் என்று கொவிட்-19 தடுப்­பூசி வல்லு­நர்­ குழு இப்­போது பரிந்­து­ரைத்து இருப்­ப­தா­கக் கூறி­னார்.

இந்த இடை­வெளி, 30 முதல் 59 வய­து வரையுள்­ளோ­ருக்கு இது­வரை ஆறு மாத கால­மாக இருந்­தது. 60 மற்­றும் அதற்­கும் அதிக வய­துள்­ள­வர்­க­ளுக்கு இது ஐந்து மாத­மாக இருந்­தது என்று திரு ஓங் நேற்று கொவிட்-19 பணிக்­குழு செய்­தி­யா­ளர் கூட்­டத்­தில் தெரி­வித்­தார்.

இந்­தக் கால இடை­வெளி மாற்றம் கார­ண­மாக இப்­போது முதல் வரும் டிசம்­பர்வரை ஏறத்தாழ 1.5 மில்­லி­யன் பூஸ்­டர் தடுப்­பூ­சி­யைப் போட்­டு­வி­ட­லாம் என்­று அவர் குறிப்பிட்டார்.

அதோடு, இந்த ஆண்டு முடி­வில் மக்­கள்­தொ­கை­யில் பாதிப்­பேர் பூஸ்­டர் தடுப்­பூசி கார­ண­மாக உட­லில் வலு­வான நோய் எதிர்ப்பு ஆற்­றலைப் பெற்று இருப்­பார்­கள் என்று அமைச்­சர் மேலும் தெரி­வித்­தார். டெல்டா கிருமி வீரி­ய­மிக்­க­தாக இருப்­ப­தால் மூன்­றா­வது தடுப்­பூசி கட்­டா­யம் என்று திரு ஓங் வலி­யு­றுத்­தி­னார்.

பூஸ்­டர் தடுப்­பூ­சிக்­குத் தகுதி­ பெ­று­வோர்க்குக் குறுஞ்­செய்தி மூலம் அழைப்பு விடுக்­கப்­படும். 30 வயது அதற்­கும் அதிக வயது உள்­ள­வர்­கள், கொவிட்-19 தொற்­றக் கூடிய ஆபத்து அதிகம் உள்ள முன்­க­ளப் பணி­யா­ளர்­கள் ஆகி­யோர் பூஸ்­டர் தடுப்­பூசி போட்­டுக் கொள்ள இப்­போது தகுதி பெற்று உள்­ள­னர்.

தகுதி பெற்­றி­ருப்­போ­ரில் யாருக்­கா­வது குறுஞ்­செய்தி வர வில்லை என்­றால் அவர்­கள் மொடர்னா தடுப்­பூசி நிலை­யத்­திற்கு நேரே சென்று பூஸ்­டர் தடுப்­பூசி போட்­டுக்­கொள்­ள­லாம். முன்­ப­திவு தேவை­யில்லை.