மாணவர் முரசு
இ-பேப்பர்
சிங்கப்பூரில் வெள்ளிக்கிழமை புதிதாக 1,734 பேருக்கு கொவிட்-19 தொற்று உறுதியானதாக சுகாதார அமைச்சு தெரிவித்தது. அவர்களையும் சேர்த்து கொரோனா கிருமி தொற்றியோரின் மொத்த எண்ணிக்கை 248,587 ஆகியது.
வாராந்திர தொற்று அதிகரிப்பு விகிதம் வியாழக்கிழமை 0.90 ஆக இருந்தது. இது வெள்ளிக்கிழமை 0.77 ஆகக் குறைந்தது. கொரோனா காரணமாக 16 பேர் மரணமடைந்தனர். அவர்களுக்கு வயது 52 முதல் 93 வரை. மாண்டவர்களில் தடுப்பூசி போட்டுக்கொள்ளாத ஒருவரைத் தவிர மற்ற அனைவருக்கும் பல்வேறு உடல்நலப் பிரச்சினைகள் இருந்தன. கொவிட்-19 மொத்த மரண எண்ணிக்கை 641 ஆகி உள்ளது.
புதிதாக கிருமி தொற்றியோரில் 1,633 பேர் சமூகத்தைச் சேர்ந்தவர்கள். அவர்களில் 269 பேருக்கு வயது 60 மற்றும் அதற்கும் அதிகம். வெளிநாட்டு ஊழியர் விடுதிகளைச் சேர்ந்தவர்கள் 97 பேர். நால்வர் வெளிநாடுகளில் இருந்து வந்தவர்கள் என்று அமைச்சு தெரிவித்தது.
கடந்த இரண்டுவார காலமாக தீவிர சிகிச்சைப் பிரிவு பயனீட்டு அளவு குறைந்து வருகிறது. வெள்ளிக்கிழமை இந்த அளவு 57% ஆக இருந்தது.
