மாணவர் முரசு
இ-பேப்பர்
எஸ்பிஎஸ் டிரான்சிட் பேருந்துகள் 22, 65, 506 ஆகியவற்றின் பாதை டிசம்பர் 12ஆம் தேதியிலிருந்து மாற்றப்படுகிறது.
டவுன்டௌன் ரயிலுக்கு இணையாக சேவை வழங்கி வந்ததால் அவற்றின் பாதை மாற்றப்படுவதாக நேற்று வெளியிட்ட அறிக்கையில் எஸ்பிஎஸ் டிரான்சிட் தெரிவித்தது.
மூன்று பேருந்துகளில் பயணம் செய்த பயணிகளும் ரயில் சேவைக்கு மாறிவிட்டதால் பயணி களின் எண்ணிக்கை குறைந்துவிட்டதாகவும் அது கூறியது.
அங் மோ கியோ, தெம்பனிஸ் பேருந்து நிலையங்களுக்கு இடையே சேவை வழங்கி வந்த சேவை எண் 22, இனி அங் ேமா கியோ, யூனோஸ் பேருந்து நிலையங்களுக்கு இடையே சேவையாற்றும்.
சேவை எண் 65 தெம்பனிஸ், ஹார்பர்ஃபிரண்ட் பேருந்து நிலையங்களுக்கு இைடயே சேைவ வழங்கினாலும் தெம்பனிஸ் அவென்யூ 1, அவென்யூ 5ல் பேருந்து நிறுத்து மிடங்களில் நிற்காது, மாறாக தெம்பனிஸ் அவென்யூ 4 வழியாக அது செல்லும்.
சேவை எண் 506 இனிமேல் கிழக்கு வட்டாரங்களுக்கு சேவை வழங்காது. ஜூரோங் ஈஸ்ட், சிராங்கூன் பேருந்து நிலையங்களுக்கு இடையே அதன் புதிய பாதை அமையும். மேலும் புக்கிட் பாத்ேதாக்குக்கும் தோ பாயோவுக்கும் இடைப்பட்ட தீவு விரைவுச் சாலை வழியாகவும் பேருந்து சேவை எண் 506 செல்லும்.