குறைந்த வருமானம் ஈட்டும் என்டியுசி உறுப்பினர்களுக்கு $8 மில்லியன் நிதி உதவி

என்­டி­யுசி-யு கேர் நிதி­யின் ஒரு பகு­தி­யாக இவ்­வாண்டு திரட்­டப்­பட்­டுள்ள ஏறத்­தாழ $8 மில்­லி­ய­னால் குறைந்த வரு­மா­னம் ஈட்­டும் கிட்­டத்­தட்ட 35,000 தேசிய தொழிற்­சங்க காங்­கி­ரஸ் (என்­டி­யுசி) உறுப்­பி­னர்­களும் அவர்­க­ளது குடும்­பத்­தி­ன­ரும் பலன் அடை­வர். அவர்­களில் 15,000 சிறு­வர்­களும் அடங்கு ­வர்.

கடந்த ஆண்டு திரட்­டப்­பட்ட $7.7 மில்­லி­ய­னை­விட இது அதி­கம் என்று என்­டி­யுசி தெரி­வித்­தது. யு கேர் நிதி 2009ஆம் ஆண்­டில் நிறு­வப்­பட்­டது. உல­க­ளா­விய நிதி நெருக்­க­டி­யால் பாதிக்­கப்­பட்ட சங்க உறுப்­பி­னர்­க­ளுக்கு உதவ இத்­திட்­டம் அறி­மு­கப்­ப­டுத்­தப்­பட்­டது.

திட்­டம் தொடங்­கப்­பட்­ட­தி­லி­ருந்து பல்­வேறு தொழிற்­சங்­கங்­கள், சங்­கங்­கள், சமூக நிறு­வ­னங்­கள் ஆகி­ய­வற்­றின் உத­வி­யோடு குறைந்த வரு­மா­னக் குடும்­பங்­

க­ளுக்கு $113 மில்­லி­யன் வழங்­கப்­பட்­டுள்­ளது.

இந்த நிதித் திரட்­டுக்­குத் தேவை­யான நன்­கொ­டையை வழங்­கி­யோ­ருக்கு நன்றி நல்­கும் நிகழ்ச்சி ­யில் என்­டி­யு­சி­ கேர் அண்ட் ஷேர் பிரிவின் இயக்­கு­நர் திரு ஸைனல் சபாரி நேற்று முன்தினம் கலந்­து­கொண்டு பேசி­னார்.

"நமது ஊழி­யர்­க­ளுக்கு இவ்­வாண்டு தொடர்ந்து சவால்­மிக்­க­தாக இருந்து வரு­கிறது. குறிப்­பாக, குறைந்த வரு­மா­னம் ஈட்­டு­வோ­ரும் கொவிட்-19 நெருக்­க­டி­நி­லை­யால் வரு­மா­னம் பாதிக்­கப்­பட்­ட­வர்­களும் கடு­மை­யான சவால்­களை எதிர்­நோக்­கு­கின்­ற­னர்," என்­றார் திரு ஸைனல் சபாரி.

இந்­தச் சவால்­மிக்க கால­கட்­டத்­தில் உ­தவி தேவைப்­ப­டு­வோ­ருக்கு போது­மான ஆத­ரவு கிடைப்­பதை உறுதி செய்ய என்­டி­யுசி புதிய வாய்ப்­பு­க­ளை­யும் நிதி திரட்­டும் முறை­க­ளை­யும் பயன்­ப­டுத்­து­வ­தாக அவர் கூறி­னார்.

அவற்­றுள் ஒன்று இவ்­வாண்டு ஏற்­பாடு செய்­யப்­பட்ட 'புளோக்­சேன் ஃபார் குட் இனி­ஷி­யேட்­டிவ்' எனும் அறப்­பணி ஏலக்­குத்­த­கை­யா­கும். அதன்­மூ­லம் $400,000க்கும் அதி­க­மான தொகை திரட்­டப்­பட்­டது. $250,000 திரட்­டப்­படும் என்று முத­லில் எதிர்­பார்க்­கப்­பட்­டது.

மற்­றொரு நிதி திரட்டு முயற்­சி­ யின் மூலம் $20,000 திரட்­டப்­பட்­டது.

14,000 சங்க உறுப்­பி­னர்­க­ளுக்கு உத­வும் வகை­யில் மளி­கைப் பொருள்­கள் வாங்க ஒவ்­வொ­ரு­வ­ருக்­கும் தலா $100 வரை பெறு­மா­ன­முள்ள மின் பற்­றுச்­சீட்­டு­கள் என்­டி­யுசி கேர் நிதி­யின்­கீழ் வழங்­கப்­பட்­டன.

பள்­ளிக்­குச் செல்­லும் பிள்­ளை­

க­ளைக் கொண்ட குடும்­பங்­க­ளுக்கு ஒவ்­வொரு பிள்ளை அடிப்­ப­டை­யில் கூடு­த­லாக $100 பெறு­மா­ன­முள்ள மின்­பற்­றுச்­சீட்டு வழங்­கப்­பட்­டது.

இவ்­வாண்­டின் திட்­டம் மூலம் பலன் அடைந்­தோ­ரில் திரு­வாட்டி முத்­து­லட்­சு­மி­யின் பிள்­ளை­களும் அடங்­கு­வர். 2019ஆம் ஆண்­டில் தமது கண­வர் இறந்­ததை அடுத்து, தமது மூன்று பிள்­ளை­க­ளை­யும் தனி­யாக இருந்து வளர்த்து வரு­கி­றார் 38 வயது திரு­வாட்டி முத்து­ லட்­சுமி. அவ­ரது பிள்­ளை­கள் 2 வய­துக்­கும் 17 வய­துக்­கும் உட்­பட்­ட­வர்­கள். காசா­ள­ரா­கப் பணி­

பு­ரி­யும் திரு­வாட்டி முத்­து­லட்­சுமி 2015ஆம் ஆண்­டி­லி­ருந்து என்­டி­யு­சி­யின் உறுப்­பி­ன­ராக இருந்து வரு­கி­றார்.

தமது கண­வ­ரின் மர­ணம் குறித்து ஸ்ட்­ரெய்ட்ஸ் டைம்ஸ் நாளி­த­ழி­டம் அவர் பகிர்ந்­து­கொண்­டார்.

"எனது கண­வ­ரின் மர­ணத்தை என்­னால் ஏற்­றுக்­கொள்ள முடி­ய­வில்லை. பல இர­வு­கள் தூங்க முடி­யா­மல் தவித்­தேன். உற­வி­னர்­கள் நீட்­டிய ஆத­ர­வுக்­க­ரம் எனக்­குக் கைகொ­டுத்­தது. ஆனால் உற­வி­னர்­க­ளால் ஒரு தந்­தை­யின் இடத்தை நிரப்ப முடி­யாது," என்­றார் திரு­வாட்டி முத்­து­லட்­சுமி.

தமக்கு வழங்­கப்­பட்ட மின்­பற்­றுச்­சீட்­டு­கள் தமது நிதிச் சுமை­யைச் சற்று இறக்கி வைத்­த­தாக அவர் கூறி­னார்.

"எனது பிள்­ளை­க­ளுக்­குத் தேவை­யான பாட­நூல்­களைப்

பள்­ளி­கள் வழங்­கு­கின்­றன. எனக்கு வழங்­கப்­பட்ட பற்­றுச்­சீட்­டு­க­ளைப் பயன்­ப­டுத்தி எழுது பொருள்­கள், துணைப்­பாட நூல்­கள் போன்­ற­வற்றை என்­னால் வாங்க முடிந்­தது. பள்­ளிக்­குத் தேவை­யான பொருட்­கள் மட்­டு­மின்றி, பேரங்­கா­டிக்­குச் செல்­லும்­போது என் பிள்­ளை­

க­ளுக்கு நொறுக்­குத் தீனி வாங்க முடி­கிறது. இது­போன்று வாழ்­வில் கிடைக்­கும் சிறு­சிறு இன்­பங்­க­ளைப் பெற பற்­றுச்­சீட்­டு­கள் எங்­க­ளுக்­குப் பேரு­த­வி­யாக இருக்­கின்­றன," என்று கூறிய திரு­வாட்டி முத்­து­லட்­சுமி தமது குடும்­பத்­துக்கு வழங்­கப்­படும் உத­விக்கு நன்றி தெரி­வித்­தார்.

 
Article Hard Regwall
 

Register and read for free!

உங்கள் செய்தி வரம்பை எட்டிவிட்டீர்கள். மேலும் படிக்க இலவசக் கணக்கு தொடங்கவும்.
இன்று மேலும் 1 செய்திகளைப் படிக்கலாம். 
மேலும் படிக்க இலவசக் கணக்கு தொடங்கவும்.
 
 
ஏற்கெனவே பதிவுசெய்துள்ளீர்களா?
 
 

அண்மைய காணொளிகள்

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு மாதத்திற்கு $4.90 மட்டுமே! (ஒப்பந்தம் கிடையாது)
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை இலவசமாக வாசிக்க
தடையற்ற சேவைக்கு சந்தாதாரராகுங்கள். TM Icon
X

அதற்குள்ளாகவா? இந்தச் செய்திகளையும் படிக்கலாமே!

அதற்குள்ளாகவா?
இந்தச் செய்திகளையும் படிக்கலாமே!