இந்திய முஸ்லிம் இளையருக்கு உதவ இளையரணி தொடக்கம்

இளை­யர்­க­ளின் குரல்­கள் செவி­மடுக்­கப்­பட வேண்­டும், வாழ்க்­கை­யில் முன்­னேற அவர்­க­ளுக்­குக் கைகொ­டுக்க வேண்­டும் - இந்த இலக்­கு­களை நோக்கி இளை­யர்­கள் சிலர், இந்­திய முஸ்­லிம் பேரவை தொடங்­கி­யுள்ள இளை­யர் அ­ணியை வழி­ந­டத்­திச் செல்ல இருக்­கின்­ற­னர்.

குடும்­பம், கல்வி, வாழ்க்­கைத்­தொ­ழில், உற­வு­கள் போன்ற வாழ்­வி­யல் அங்­கங்­களில் இந்­திய முஸ்­லிம் இளை­யர்­க­ளுக்கு உதவு­வது இந்­தப் புதிய அணி­யின் நோக்­கம். பதின்ம வய­தி­ன­ருக்­கும் இரு­ப­து­களில் இருப்­போ­ருக்­கும் நெருக்­க­மான முறை­யில் இருப்­போம் என்று இளை­யர் அணி­யின் தலை­வர் தாரிக் நிஸார் அக்­ப­ரும் துணைத்­த­லை­வர் முகம்­மது ஆஷிக்­கும் கூறி­னர்.

இம்­மா­தம் 4ஆம் தேதி­யன்று இளை­ய­ரணி, பொதுச் சேவை மன்­றத்­தில் அதி­கா­ர­பூர்­வ­மா­கத் தொடங்­கப்­பட்­டது.

நிகழ்ச்­சி­யைச் சிறப்­பித்த கலா­சார, சமூக, இளை­யர்துறை துணை­ய­மைச்­சர் ஆல்­வின் டான், இந்த இளை­யர் அணி சமு­தா­யத்­திற்கு முக்­கி­ய­மா­னத் திட்­ட­மாக வர்­ணித்­தார்.

"மக்­கள்­தொ­கை­யில் இளை­யர்­கள் 25 விழுக்­காட்­டி­ன­ராக இருந்­தா­லும் அவர்­களே நம் எதிர்­கா­லத்­தின் 100%," என்­றார் திரு டான்.

சிண்டா, சீக்­கி­யர் ஆலோ­சனை குழு மற்­றும் 'ஹேஷ்­பீஸ்' உட­னான கலந்­து­ரை­யா­ட­லுக்கும் ஏற்பாடு செய்யப்பட்டிருந்தது.

சிண்டா தலை­மை நிர்வாக அதிகாரி ரா.அன்­ப­ரசு, 'ஹேஷ்­பீஸ்' தலை­வர் நஸ்­ஹத் ஃபஹீமா, சீக்­கி­யர் ஆலோ­ச­னைக் குழு­வின் தலை­வர் மல்­மிந்­தர்­ஜித் சிங் ஆகி­யோர் பங்­கேற்ற அக்­க­லந்­து­ரை­யா­டலை தமிழ் முரசு செய்­தி­யா­ளர் இர்­ஷாத் முஹம்­மது வழி­ந­டத்­தி­னார்.

சமூ­கத்­திற்கு உத­வு­தல், சமய ரீதி­யான வளர்ச்சி, தனிப்­பட்ட வளர்ச்சி ஆகிய பிரி­வு­களில் நட­வடிக்­கை­கள் இடம்பெறும். 13 உறுப்­பி­னர்­கள் கொண்ட இளை­ய­ர­ணிச் செயற்­குழு, அந்நட­வடிக்­கை­க­ளுக்கு ஏற்­பாடு செய்­யும்.

"உறுப்­பிய முறை கிடை­யாது. நட­வ­டிக்­கை­கள் எப்­போ­தெல்­லாம் ஏற்­பாடு செய்­யப்­ப­டு­கி­றதோ, அப்­போ­தெல்­லாம் ஆர்­வமுள்ள இளை­யர்­கள் தாரா­ள­மாக முன்­வந்து பங்­கேற்­க­லாம்," என்­றார் 33 வய­தான திரு தாரிக்.

பாலின சமத்­து­வத்­திற்­காக அதி­க­மான பெண்­களை ஈர்க்க முற்­ப­டு­வ­தா­கக் கூறிய 25 வயது ஆஷிக், "பெண்­க­ளின் கண்­ணோட்­டத்தை அறிந்­து­கொள்­வது மிக­வும் நல்­லது. பெண்­கள் முன்­வந்து எங்­க­ளது அமைப்­பில் தலை­மைப் பொறுப்­பு­களை ஏற்க வேண்­டும் என விரும்­பு­கி­றோம்," என்­றும் சொன்­னார்.

செய்தி: கி.ஜனார்த்­த­னன்

 
Article Hard Regwall
 

Register and read for free!

உங்கள் செய்தி வரம்பை எட்டிவிட்டீர்கள். மேலும் படிக்க இலவசக் கணக்கு தொடங்கவும்.
இன்று மேலும் 1 செய்திகளைப் படிக்கலாம். 
மேலும் படிக்க இலவசக் கணக்கு தொடங்கவும்.
 
 
ஏற்கெனவே பதிவுசெய்துள்ளீர்களா?
 
 

அண்மைய காணொளிகள்

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு மாதத்திற்கு $4.90 மட்டுமே! (ஒப்பந்தம் கிடையாது)
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை இலவசமாக வாசிக்க
தடையற்ற சேவைக்கு சந்தாதாரராகுங்கள். TM Icon
X

அதற்குள்ளாகவா? இந்தச் செய்திகளையும் படிக்கலாமே!

அதற்குள்ளாகவா?
இந்தச் செய்திகளையும் படிக்கலாமே!