ஓமிக்ரான் தொற்றுக்கு எதிரான முன்னேற்பாடு: அதிகம் பேரை ஏற்கக்கூடிய மருத்துவமனைகள்

மாறு­பட்ட ஓமிக்­ரான் கிரு­மி­யின் அதிக பர­வும் தன்மை மற்­றும் உள்­ளூ­ரில் அதி­க­மா­னோர் பாதிக்­கப்­படும் சாத்­தி­யம் ஆகி­ய­வற்­றைக் கருத்­தில் கொண்டு, பொது மருத்­து­வ­ம­னை­கள் மற்­றும் தீவிர சிகிச்­சைப் பிரி­வு­க­ளின் ஆற்­றலை அதி­

க­ரிக்க திட்­டங்­கள் வகுக்­கப்­பட்­டுள்­ளன. சுகா­தார அமைச்சு நேற்று வெளி­யிட்ட அறிக்­கை­யில், பொது மருத்­து­வ­ம­னை­களில் சுமையை நிர்­வ­கிக்க உத­வும் சமூக சிகிச்சை நிலையங்க­ளின் (CTFs) ஆற்­றலை அதி­க­ரிக்­க­வும் தான் தயா­ராக இருப்­ப­தா­கத் தெரி­வித்­தது.

சுதா­தார நிலைமை மேம்­பட்­டுள்ள கொவிட்-19 நோயா­ளி­களை பொது மருத்­து­வ­ம­னை­களில் இருந்து சமூக சிகிச்சை வச­தி­

க­ளுக்கு நேர­டி­யாக சேர்க்க அல்­லது மாற்­று­வ­தற்கு இது உத­வு­கிறது.

"இந்த முயற்­சி­களை நிறைவு செய்­யும் வகை­யில், எங்­கள் மருத்­து­வ­ம­னை­கள், சமூக சிகிச்சை நிலையங்களில் தேவைப்­படும் மனி­த­வ­ளத்தை அதி­க­ரிப்­ப­தற்­கான முயற்­சி­களை ஒரே நேரத்­தில் முடுக்கி விடு­கி­றோம்," என்று அது மேலும் கூறி­யது.

சிங்­கப்­பூ­ரில் இன்­று­வரை மொத்­தம் 16 ஓமிக்­ரான் சம்­ப­வங்­கள் கண்­ட­றி­யப்­பட்­டுள்­ளன. அவற்­றில் 14 பேர் வெளி­நாட்­டி­லி­ருந்து சிங்­கப்­பூர் வந்­த­வர்­கள்.

இரண்டு உள்­ளூர் சம்­ப­வங்­களில் பாதிக்­கப்­பட்­ட­வர்­கள் சாங்கி விமான நிலை­யத்­தில் பணி­பு­ரி­யும் விமான நிலைய பய­ணி­கள் சேவை ஊழி­யர்­கள்.

அவர்­கள் அனை­வ­ரும் முழு­மை­யா­கத் தடுப்­பூசி போட்­டுக்­கொண்­ட­வர்­கள். அவர்­க­ளுக்­குக் கிரு­மித்­தொற்­றுக்­கான லேசான அறி­கு­றி­கள் இருந்­தன. சில­ருக்கு அறி­

கு­றி­களே இல்லை.

ஓமிக்­ரா­னால் பாதிக்­கப்­பட்­ட­வர்­களும் வீட்­டி­லி­ருந்து குண­ம­டை­யும் திட்­டத்­தில் சேர்க்­கப்­ப­டு­வார்­கள் என்று சுகா­தார அமைச்­சர் ஓங் யி காங் கொவிட்-19க்கு எதி­ரான அமைச்­சு­கள் நிலைப் பணிக்­கு­ழு­வின் செய்­தி­யா­ளர் கூட்­டத்­தில் தெரி­வித்­தார்.

வீட்­டி­லி­ருந்து குண­ம­டை­யும் திட்­டத்­தின் கீழ் நோயா­ளி­க­ளைக் கவ­னித்­துக்­கொண்ட தனி­யார் மருத்­து­வர்­க­ளுக்கு நன்றி தெரி­வித்த அமைச்­சர், பெரிய ஓமிக்­ரான் அலை­யின்­போது தனி­யார் மருத்­து­வர்­கள் எவ்­வாறு இன்­னும் பெரிய பங்கை வகிக்க முடி­யும் என்­பதை சுகா­தார அமைச்சு கவ­னித்து வரு­வ­தா­கக் கூறி­னார்.

தற்­போது, தாங்­கள் நல­மாக இருப்­ப­தாக உணர்ந்­தா­லும், கொவிட்-19 ஆன்­டி­ஜன் விரை­வுப் பரி­சோ­தனை (ஏஆர்டி) முடி­வைப் பெற்­றி­ருப்­ப­வர்­கள் திட்­டத்­தின்கீழ் வீட்­டி­லேயே இருக்க வேண்­டும். ஏஆர்டி பரி­சோ­தனை எதிர்­ம­றை­யாக இருக்­கும்­போது அவர்­கள் வீட்டை விட்டு வெளி­யே­ற­லாம்.

இருப்­பி­னும், ஓமிக்­ரான் மாறு­பாட்­டின் அதிக பரி­மாற்­றம் கொடுக்­கப்­பட்­டால், 'ரைட் சிட்டிங்' அதாவது சரியான முறையில் சிகிச்சை அளிக்கும் திட்டத்தை மேலும் முன்னெடுத்துச் செல்ல வேண்டிய அவசியம் ஏற்படும். 'ரைட்-சிட்­டிங்' என்­பது மருத்­துவ ரீதி­யாக திற­மை­யான குழுக்­கள் மூலம் குறைந்த செல­வில் நோயா­ளி­க­ளுக்கு மிக­வும் பொருத்­த­மான இடத்­தில் சிகிச்சை அளிப்­ப­தைக் குறிக்­கிறது.

"இன்று, உடல்­நிலை சரி­யில்­லாத ஒரு­வ­ருக்கு பிசி­ஆர் பரி­சோ­த­னையை மட்­டுமே தனி­யார் மருத்­து­வர்­கள் பரிந்­து­ரைக்­கி­றார்­கள். முடிவு நேர்­ம­றை­யாக இருந்­தால், நோயாளி வீட்­டி­லி­ருந்து குண­ம­டை­யும் திட்­டத்­தின் கீழ் வைக்­கப்­படு வார்­கள்," என்று திரு ஓங் குறிப்­பிட்­டார். எவ்­வா­றா­யி­னும், தனி­யார் மருத்­து­வர்­கள் நோயா­ளி­யின் மன­நிலை மற்­றும் இடர் சுய­வி­வ­ரத்தை தீர்­மா­னிக்க முடி­யும் மற்­றும் நோயா­ளிக்கு பிசி­ஆர் அல்­லது ஏஆர்டி பரி­சோ­தனை செய்ய வேண்­டுமா என்­பதை தீர்­மா­னிக்க முடி­யும் என்று அவர் கூறி­னார்.

எடுத்­துக்­காட்­டாக, மிக­வும் இலேசான அல்­லது அறி­கு­றி­யற்ற நிகழ்­வு­க­ளுக்கு, தனி­யார் மருத்­து­வர் ஓர் ஏஆர்டி பரி­சோ­த­னையை செய்ய பரிந்­து­ரைக்­க­லாம்.

இந்­தச் சூழ்­நி­லை­யில் நேர்­மறை சோதனை செய்த நோயா­ளிக்கு சில நாட்­கள் மருத்­துவ விடுப்பு வழங்­கப்­ப­ட­லாம், மேலும் அவ­ரது ஏஆர்டி பரி­சோ­தனை பின்னர் நேர் ­ம­றை­யாக இருக்­கும்­போது வீட்டை விட்டு வெளி­யேற அவர் அனு மதிக்கப்படலாம். இந்த நெறி­முறை தற்­போது சுகா­தார அமைச்­சால் நிர்­வ­கிக்­கப்­படும் ஒரு முறையை பர­வ­லாக்­கும் என்றும் இந்த முன்­மொ­ழிவை வரும் நாட்­களில் தனி­யார் மருத்­து­வர்­களு­டன் அமைச்சு விவா­திக்­கும் என்றும் திரு ஓங் கூறி­னார்.