பிரதமர் லீ: மீண்டும் திருப்புமுனையில் மசெக

மக்­கள் செயல் கட்சி மீண்டும் ஒரு திருப்­பு­மு­னை­யில் இருப்­ப­தாக பிர­தமர் லீ சியன் லூங் தெரி­வித்து உள்­ளார். தலை­மைத்­துவ மாற்றத்தை­யும் புதிய தலை­முறை வாக்­கா­ளர்­க­ளை­யும் கட்சி இப்போது எதி­ர்நோக்­கு­வ­தாக நேற்று அவர் குறிப்­பிட்­டார்.

1985ஆம் ஆண்­டில் இருந்த சூழ­லு­டன் இப்­போ­தைய நிலையை அவர் ஒப்­பிட்­டார். 1985ஆம் ஆண்­டில் இரண்­டாம் தலை­முறை தலை­வர்­க­ளி­டம் பொறுப்பு ஒப்­ப­டைக்­கப்­பட்­டதை திரு லீ நினை­வு­கூர்ந்­தார். இப்­போது எதிர்­கா­லம் குறித்து பல கேள்­வி­கள் எழுந்­துள்­ளதை அவர் சுட்­டி­னார்.

புதிய சவால்­களை மக்­கள் செயல் கட்­சி­யும் அதன் நான்­காம் தலை­முறை தலை­வர்­கள் குழு­வும் எவ்­வாறு எதிர்­கொள்­ளும், சிங்­கப்­பூரை முன்­னோக்கி கொண்டு போக நான்­காம் தலை­முறை தலை­வர்­களுக்­குப் போதிய ஆற்­றல் உள்­ளதா போன்­றவை அவற்­றில் அடங்­கும் என்­றார் பிர­த­மர் லீ.

'1985லிருந்து 2021ஆம் ஆண்டு வரை மக்­கள் செயல்­கட்­சி­யின் வர­லாறு' எனும் தலைப்பு கொண்ட நூல் வெளி­யீட்டு விழா­வில் நேற்று கலந்­து­கொண்டு பிர­த­மர் லீ பேசி­னார். இந்த நூலை எஸ். ராஜ­ரத்­னம் அனைத்­து­லக ஆய்­வுக் கழ­கத்­தின் தேசிய பாது­காப்­புக்­கான உன்­னத நிலை­யத்­தின் தலை­வ­ரும் மூத்த ஆய்­வா­ள­ரு­மான டாக்­டர் சஷி ஜய­கு­மார் புனைந்­தார். நூல் வெளி­யீட்டு விழா சிங்­கப்­பூர் தேசிய பல்­க­லைக்­க­ழ­கத்­தில் நடை­பெற்­றது.

விழா­வில் பேசிய திரு லீ, கடந்த 35 ஆண்­டு­க­ளைப் போல் இல்­லாது அடுத்த 35 ஆண்­டு­கள் வித்­தி­யா­ச­மாக இருக்­கும் என்­றார்.

"எதிர்­கா­லத்­தைக் கணிப்­பது நமது பணி­யல்ல. ஆனால் நல்­ல­தோர் எதிர்­கா­லத்தை உரு­வாக்­கு­வது நமது பொறுப்­பா­கும். சிங்­கப்­பூ­ரின் பாது­காப்பு, நிலைத்­தன்மை, வெற்றி ஆகி­யவை தொடர்­வதை உறுதி செய்­யும் தலை­யா­யக் கடமை மக்­கள் செயல் கட்­சிக்கு உண்டு.

"நாட்டை முன்­னோக்­கிக் கொண்டு செல்ல சிங்­கப்­பூ­ரர்­க­ளு­டன் அது மிக அணுக்­க­மா­கச் செயல்­பட வேண்­டும்," என்று மக்­கள் செயல் கட்­சி­யின் தலை­மைச் செய­லா­ள­ரான பிர­த­மர் லீ கூறி­னார். சிங்­கப்­பூர் இப்­போது மூன்­றாம் தலை­முறை தலை­மைத்­து­வத்­தி­லி­ருந்து நான்­காம் தலை­மைத்து­வத்­துக்கு மாறும் கட்­டத்­தில் இருப்­ப­தா­கப் பிர­த­மர் லீ தெரி­வித்­தார்.

தலை­மைத்­து­வப் பொறுப்பு இரண்­டாம் தலை­முறை தலை­வர்­களுக்கு வழங்­கப்­பட்­ட­போது 1984ஆம் ஆண்­டில் நடை­பெற்ற பொதுத் தேர்­த­லில் மக்­கள் செயல் கட்­சிக்கு ஆத­ர­வான வாக்­கு­கள் எண்­ணிக்கை 12.9% குறைந்து 64.8 விழுக்­கா­டா­கப் பதி­வா­னதை திரு லீ நினை­வு­கூர்ந்­தார்.

மக்­கள் செயல் கட்­சிக்கு ஆத­ர­வான வாக்­கு­கள் குறைந்­த­தற்கு மூத்த தலை­மு­றை­யி­னர் பல­ரின் இறப்­பும் அவர்­க­ளை­விட அதி­க எதிர்­பார்ப்­பு­க­ளைக் கொண்ட புதிய தலை­மு­றை­யி­னர் பலர் வாக்­க­ளித்­த­தும்­தான் கார­ணம் என்று அப்­போ­தைய பிர­த­மர் லீ குவான் இயூ தெரி­வித்­தி­ருந்­தார்.

மக்­கள் செயல் கட்சி அதன் அர­சி­யல் ஆதிக்­கத்தை இழக்­கும் நிலை ஏற்­ப­டக்­கூ­டும் என்று அன்று பேசப்­பட்­ட­தாக பிர­த­மர் லீ கூறி­னார். 1984ஆம் ஆண்­டில் நாடா­ளு­மன்ற உறுப்­பி­னர்­க­ளா­கத் தேர்வு செய்­யப்­பட்ட மக்­கள் செயல் கட்சி­யி­ன­ரில் பிர­த­மர் லீ மட்­டுமே இன்­று­வரை அர­சி­ய­லில் நீடித்து வரு­கி­றார். அது­மட்­டு­மல்­லாது, அப்­போது வாக்­க­ளித்த முன்­னோ­டித் தலை­மு­றை­யி­னர் பலர் மர­ண­மடைந்­து­விட்­ட­னர்.

"1984ஆம் ஆண்­டில் வாக்­களித்த வாக்­கா­ளர்­க­ளுக்கு இருந்த எதிர்­பார்ப்­பு­கள், இலட்­சி­யங்­கள் ஆகி­ய­வற்­று­டன் ஒப்­பி­டும்­போது இப்­போ­தைய வாக்­கா­ளர்­க­ளின் எதிர்­பார்ப்­பு­கள், விருப்­பங்­கள் வேறு படு­கின்­றன," என்­றார் திரு லீ.

கடந்த ஆண்டு நடை­பெற்ற பொதுத் தேர்­த­லில் மக்­கள் செயல் கட்­சிக்கு அமோக ஆத­ரவு கிடைத்த போதி­லும் அக்­கட்­சிக்கு ஆத­ர­வாக கிடைத்த வாக்­கு­க­ள் 8.6% குறைந்­த­தாக அவர் கூறி­னார். முதல்­மு­றை­யாக இரண்டு குழுத் தொகு­தி­களை எதிர்க்­கட்­சி­யி­னர் கைப்­பற்­றி­னர்.

"சிங்கப்பூர் இவ்வளவு காலம் நிலைத்தன்மையுடன், முன்னேற்றம் அடைந்து வெற்றி நடைபோடு வதற்கான காரணத்தைப் பற்றி தெரிந்துகொள்ள கட்சியின் வரலாற்றைப் பதிவு செய்துள்ள இந்த நூல் சிங்கப்பூரர்களுக்கு உதவியாக இருக்கும். சிங்கப்பூருக்கு மேலும் ஒளிமயமான எதிர்காலத்தை ஏற்படுத்தித் தர இந்நூல் அடுத்த தலைமுறையினருக்கும் மக்கள் செயல் கட்சிக்காரர்களுக்கும் உந்து சக்தியாக இருக்கும் என நான் நம்புகிறேன்," என்றார் பிரதமர்.

 
Article Hard Regwall
 

Register and read for free!

உங்கள் செய்தி வரம்பை எட்டிவிட்டீர்கள். மேலும் படிக்க இலவசக் கணக்கு தொடங்கவும்.
இன்று மேலும் 1 செய்திகளைப் படிக்கலாம். 
மேலும் படிக்க இலவசக் கணக்கு தொடங்கவும்.
 
 
ஏற்கெனவே பதிவுசெய்துள்ளீர்களா?
 
 

அண்மைய காணொளிகள்

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு மாதத்திற்கு $4.90 மட்டுமே! (ஒப்பந்தம் கிடையாது)
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை இலவசமாக வாசிக்க
தடையற்ற சேவைக்கு சந்தாதாரராகுங்கள். TM Icon
X

அதற்குள்ளாகவா? இந்தச் செய்திகளையும் படிக்கலாமே!

அதற்குள்ளாகவா?
இந்தச் செய்திகளையும் படிக்கலாமே!