விமான நிலையத்தில் வெள்ளத்தை தவிர்க்க சூரியசக்தி சாதனம்

சாங்கி விமா­ன­நி­லை­யம், திடீர் வெள்­ளப் பாதிப்­பு­க­ளைத் தவிர்த்­துக்கொள்­ளும் வகை­யில் அதன் வடி­கால் கட்­ட­மைப்­பில் சூரி­ய­சக்தி உணர்­வுச் சாத­னங்­களை அமைத்து உள்­ளது.

கன­மழை, பரு­வ­நிலை மாற்­றம், கடல் அலை­யேற்­றம் போன்­றவை கார­ண­மாக ஏற்­ப­டக்­கூ­டிய திடீர் வெள்­ளத்­தைச் சமா­ளிக்க அந்­தச் சாத­னங்­கள் மேலும் உறு­து­ணை­யாக இருக்­கும் என்று சாங்கி விமான நிலை­யக் குழுமப் பெருந்­திட்­டப் பிரி­வின் மூத்த நிர்­வாகி திரு­வாட்டி செங் லிப்­பிங் தெரி­வித்­தார்.

இந்த ஆண்டு நடுப்­ப­குதி முதல் அத்­த­கைய ஏழு உணர்­வுச் சாத­னங்­கள் அமைக்­கப்­பட்டு இருப்­ப­தாக நேற்று அறி­விக்­கப்­பட்­டது.

அவை ரேடா­ரைப் பயன்­ப­டுத்தி வடி­கால்­களில் தண்­ணீர் எந்த அள­வுக்கு இருக்­கிறது என்­பதைக் கண்­கா­ணிக்­கும்.

ஒவ்­வொரு சாத­னத்­தி­லும் பிரத்­தி­யே­கப் படச்­சா­த­ன­மும் பொருத்­தப்­பட்டு இருக்­கும்.

அதன்­மூ­லம் வடி­கால் எந்த நிலை­யில் இருக்­கிறது என்­பதைக் கண்­கா­ணிக்­க­லாம்.

வடி­கால்­களில் நீரின் அளவு 60 விழுக்­காட்டைத் தாண்­டி­னால் அந்­தக் குழு­மத்­தின் பொறி­யி­யல், உரு­வாக்கக் குழு­வுக்கு அதுபற்றி தகவல் கிடைக்­கும்.

வடி­கால் அடைப்­பு­களில் சிக்கி இருக்­கக்­கூ­டிய கழி­வுப்­பொ­ருட்­களை, இலை தழை­களை உட­ன­டி­யாக அகற்றி தண்­ணீர் கட­லுக்கு விரைந்து ஓடு­வதை அந்தக் குழு உறு­திப்­ப­டுத்­து­ம்.

மேலும் இத்­த­கைய நான்கு சாத­னங்­கள் அடுத்த ஆண்டு பொருத்­தப்­படும். அவை வெள்­ளம் ஏற்­படக்­கூ­டிய வாய்ப்பு உள்ள இடங்­களை உள்­ள­டக்கி அமைக்­கப்­படும் என்று திரு­வாட்டி சியோங் மேலும் தெரி வித்தார்.