காப்பூசி காரணமாக வேண்டாத விளைவுகள் அதிகரிக்காது

கொவிட்-19க்கு எதி­ரான காப்­பூசி (பூஸ்­டர்) போட்­டுக்­கொண்­டாரிடையே வேண்­டாத விளை­வு­கள் அதி­க­ரிக்­க­வில்லை என்று சுகாதார அறி­வி­யல் ஆணை­யம் தெரிவித்­துள்­ளது.

ஃபைசர் பயோஎன்­டெக்/ கொமி­ர்னாட்டி காப்­பூசி தொடர்­பில் பாதக விளை­வு­கள் ஏற்­பட்­ட­தாக 304 பேரும் மொடர்னா/ ஸ்பைக்­வேக்ஸ் காப்­பூசி தொடர்­பில் 87 புகார்­களும் வந்­துள்­ள­தாக ஆணை­யம் கூறி­யது. செப்­டம்­பர் 15ஆம் தேதி முதல் நவம்­பர் 30ஆம் தேதி வரை 1,451,798 காப்­பூசி போடப்­பட்­டுள்­ளது.

இதைக் கணக்­கிட்­டுப் பார்க்­கை­யில் வேண்­டாத விளை­வு­கள் அளவு 0.03% ஆக இருக்­கிறது. தடிப்பு, முக வீக்­கம், மார்­பில் சங்­கடம், பட­ப­டப்பு, காய்ச்­சல் ஆகி யவை பொது­வான பக்க விளைவு­களாக இருக்­கின்­றன. காப்­பூசி தொடர்­பி­லான கடும் பாதிப்­பு­கள் ஏற்­பட்­ட­தாக 24 புகார்­கள் தெரி­விக்­கப்­பட்­டன. இதன் விகி­தாச்­சா­ரம் 0.002% ஆக இருக்­கிறது.

கொவிட்-19 தடுப்பூசி போட்­டுக்­கொண்­ட­தால் வேண்­டாத விளை­வு­கள் ஏற்­பட்டு இருக்­க­லாம் என்று மருத்­து­வர்கள் சந்­தே­கம் தெரி­வித்­துள்ள புகார்­கள் எண்­ணிக்கை பற்­றி­யும் ஆணை­யம் குறிப்பிட்டது. ஃபைசர் தடுப்­பூசி தொடர்­பில் இத்தகைய 11,601 புகார்­கள் வந்­தன. இது போடப்­பட்ட மொத்த தடுப்­பூசி எண்­ணிக்­கை­யு­டன் ஒப்பிட, 0.14% ஆக உள்­ளது. மொடர்னா தடுப்­பூசி தொடர்­பில் 2,591 புகார்­கள் வந்­தன. இதன் விகி­தாச்­சா­ரம் 0.12% ஆக உள்­ளது.