மாணவர் முரசு
இ-பேப்பர்
வாகன உரிமைச் சான்றிதழ் (சிஓஇ) கட்டணங்களுக்கான ஏலம் நேற்று முடிவடைந்ததில் ஆறு ஆண்டுகளில் இல்லாத அளவுக்கு சிறிய கார்களுக்கான கட்டணம் $58,801க்கு உயர்ந்திருந்தது.
இரண்டு வாரங்களுக்கு முன் நடந்த ஏலத்தில் முடிவான சிறிய கார்களுக்கான கட்டணத்தை, நேற்றைய ஏலம் $1,791 வித்தியாசத்தில் முறியடித்தது.
பெரிய கார்களுக்கான சிஓஇ கட்டணம் $80,989க்கு உயர்ந்தது. கடந்த மூன்று மாதங்களாக இப்பிரிவில் ஏற்றமே பதிவாகி வருகிறது. மோட்டார் சைக்கிள்களுக்கான கட்டணமும் 2.1% அதிகரித்து $9,401ஆகப் பதிவானது.
இதற்கிடையே, வர்த்தக வாகனங்கள் மற்றும் பேருந்துகளுக்கான சிஓஇ கட்டணங்கள் இறக்கம் கண்டன. $45,000லிருந்து நேற்றைய ஏலத்தில் இப்பிரிவுக்கான கட்டணம் $44,000க்குக் குறைந்தது.
பொதுப் பிரிவு வாகனங்களுக்கான கட்டணம் $83,889க்குக் குறைந்தது.
ஏலத்திற்கு விடப்பட்ட சிஓஇக்களின் எண்ணிக்கை 1,822 என்றாலும் மொத்தம் 2,522 ஏலங்கள் கிடைத்திருந்ததாகக் கூறப்பட்டது.
இதற்கிடையே வாகன விநியோகத்தை அதன் தேவை தொடர்ந்து விஞ்சி இருக்கும் என்று வாகன நிறுவனங்கள் கூறின.
இந்நிலையில், அடுத்த ஆண்டு ஐந்து வாகனப் பிரிவுகளிலும் சிஓஇ கட்டணங்கள் ஏறுமுகமாக இருக்கும் என்று நிறுவனங்கள் தங்கள் எதிர்பார்ப்பைத் தெரிவித்துள்ளன.