மாணவர் முரசு
இ-பேப்பர்
சிங்கப்பூர் குடும்பங்களுக்கு வழங்கப்பட்டுள்ள சிடிசி பற்றுச்சீட்டில் உள்ள 100 வெள்ளியை செலவுசெய்ய விரும்புவோர் அவற்றை எங்கெல்லாம் பயன்படுத்தலாம் என்பது பற்றிய விவரங்களை புதிய இணையத்தளம் தெரிவிக்கும்.
https://www.gowhere.gov.sg/cdcvouchersmerchants என்னும் இணையத்தளம் தமிழ் உள்ளிட்ட நான்கு மொழிகளில் விவரங்களை அளிக்கிறது. குடியிருப்பாளர்கள் தங்களது வீட்டின் அஞ்சல் குறியீடு அல்லது முகவரியை இந்த இணையத்தளத்தில் குறிப்பிட்டால் அவர்களுக்கு அருகில் உள்ள, சிடிசி பற்றுச்சீட்டை ஏற்றுக்கொள்ளும் உணவங்காடி நிலையங்கள், வட்டார வியாபாரக் கடைகள் போன்றவற்றின் விவரங்கள் கிடைக்கும்.
பற்றுச்சீட்டுகளைப் பெற்றுள்ள குடும்பத்தினர் எளிமையாக விவரங்களை அறிந்துகொள்வதற்கு ஏதுவாக அரசாங்கத் தொழில்நுட்ப அமைப்புடன் இணைந்து இந்த இணையத்தளம் உருவாக்கப்பட்டுள்ளது. மக்கள் கழகமும் ஐந்து சமூக மேம்பாட்டு மன்றங்களும் (சிடிசி) இணைந்து நேற்று இத்தகவலைத் தெரிவித்தன.
இந்த இணையத்தளம் புதிய விவரங்களுடன் தொடர்ந்து புதுப்பிக்கப்படும் என்றும் அவை கூறின. பற்றுச்சீட்டை ஏற்றுக்கொள்ளும் கடைக்காரர்களும் வெளியில் அதுபற்றிய தகவலை காட்சிக்கு வைத்திருப்பர்.
கொள்ளைநோய் காலத்தில் ஒற்றுமையுணர்வை வெளிப்படுத் திய சிங்கப்பூரர்களுக்கு நன்றி தெரிவிக்கும் விதமாக $130 மில்லியன் பற்றுச்சீட்டுத் திட்டம் டிசம்பர் 13ல் தொடங்கியது.