தீவு விரைவுச் சாலை பணிகள் இப்போது ஓயாது

தீவு விரை­வுச் சாலை வழி­யாக மேற்­கொள்­ளப்­படும் சாலைப் பணி­கள் இப்­போது ஓயாது எனத் தெரி­கிறது.

தீவு விரை­வுச் சாலை­யி­லி­ருந்து லோர்னி ஹைவேக்கு இட்­டுச் செல்­லும் பாதை­யில் ஒரு வழித் தடம் மூடப்­ப­டு­வ­தால் வாக­ன­மோட்­டி­கள் கவ­ன­மு­டன் இருக்­கு­மாறு கேட்­டுக் கொள்­ளப்­பட்­டுள்­ள­னர்.

லோர்னி ஹைவே திறக்­கப்­பட்டு இரண்டு ஆண்­டு­கள் ஆன பிற­கும் சாலை­யைச் சுற்­றி­யுள்ள பணி­கள் முடிக்­கப்­ப­ட­வில்லை.

முந்­தைய ஒப்­பந்­த­தா­ர­ருக்கு ஏற்­பட்ட நிதிப் பிரச்­சி­னையை இதற்கு கார­ணம் என்று ஸ்ட்­ரெய்ட்ஸ் டைம்­சுக்கு அளித்த பேட்­டி­யில் நிலப் போக்­கு­வ­ரத்து ஆணை­யம் தெரி­வித்­தது.

சாலை­யோர தண்­ணீர் வடி­யும் பணி­கள், கால்­வாய் அமைக்­கும் பணி, தடுப்­பு­க­ளின் மேல்­பூச்சு உள்­ளிட்ட வேலை­கள் அடுத்த ஆண்டு நான்­கா­வது காலாண்­டில் முடி­வ­டை­யும் என ஆணை­யம் நம்­பிக்கை தெரி­வித்­தது.

முந்­தைய ஒப்­பந்­த­தா­ர­ரான சுவி ஹோங் நிறு­வ­னம் கடந்த ஆண்டு செப்­டம்­ப­ரில் கலைக்­கப்­பட்­டது. இவ்­வே­ளை­யில் கொவிட்-19 சூழ­லால் கட்­டு­மா­னத்­துறை பாதிக்­கப்­பட்­ட­தால் புதிய ஒப்­பந்­த­தா­ரரை நிய­மிப்பதில் தாம­தம் ஏற்­பட்­டது. எஞ்­சிய பணி­களை முடிக்க கடந்த மே மாதம் மெகாஸ்­டோன் ஹோல்­டிங்ஸ் என்ற புதிய நிறு­வ­னம் நிய­மிக்­கப்­பட்­ட­தாக ஆணை­யம் குறிப்­பிட்­டது.

லோர்­னி­யி­லி­ருந்து வெளி­யே­றும் பாதை மற்­றும் லோர்னி சாலை­யைச் சுற்­றி­யுள்ள பணி­கள் உச்­ச­நேரமில்­லாத நேரத்­தில் ஒரு வழித்­ த­டம் மட்­டுமே மூடப்­பட்டு மேற்­கொள்­ளப்­படும் என்று ஆணை­யம் தெரி­வித்­தது.

புக்­கிட் பிர­வுன் சாலை என்று முன்பு அழைக்­கப்­பட்ட லோர்னி ஹைவே­யின் முதல் கட்­டம் பல­முறை தாம­தத்­துக்­குப் பிறகு 2018 அக்­டோ­பர் 28ஆம் தேதி திறக்­கப்­பட்­டது.

தாம்­சனை நோக்­கிச் செல்­லும் ஆடம் முதல் ஃபேரர் சாலை­கள் வரை நீண்­டுள்ள லோர்னி ஹைவே 2019 ஏப்­ரல் 19ஆம் தேதி முழு­மை­யா­கத் திறக்­கப்­பட்­டது.