நான்காவது காலாண்டில் வளர்ச்சி மெதுவடைந்தது

ராய்ட்டர்ஸ் ஆய்வு: ஓமிக்ரான் காரணமாக வளர்ச்சி 5.4% அளவுக்குச் சரிவு

சிங்­கப்­பூர் பொரு­ளி­யல் வளர்ச்சி இந்த ஆண்­டின் நான்­கா­வது காலாண்டில் மித­ம­டை­யும் என்று எதிர்­பார்க்­கப்­ப­டு­கிறது.

ஓமிக்­ரான் கிரு­மித்­தொற்று கார­ண­மாக ஏற்­பட்ட நிச்­ச­ய­மில்லா நிலையே இதற்­கான கார­ணம்.

இந்­தக் கிரு­மிக்கு எதி­ராக உலகம் எந்த அள­வுக்கு முன்­னேற்றம் அடை­யும் என்­ப­தைப் பொறுத்தே அடுத்த ஆண்­டுக்­கான வளர்ச்சி இருக்­கும் என்று பகுப்­பாய்­வா­ளர்­கள் கூறு­கி­றார்­கள்.

சென்ற ஆண்­டின் நான்­கா­வது காலாண்­டு­டன் ஒப்­பி­டு­கை­யில் இந்த ஆண்­டின் அதே காலத்தில் மொத்த உள்­நாட்டு உற்பத்தி 5.4 விழுக்­காடு விரி­வ­டை­வ­தா­கத் தெரி­கிறது என்று ராய்ட்­டர்ஸ் நிறு­வ­னம் நடத்­திய ஆய்­வில் பொரு­ளி­யல் வல்­லு­நர்­கள் முன்­னு­ரைத்து இருக்­கி­றார்­கள்.

இந்த ஆண்­டின் மூன்­றா­வது காலாண்­டில் பொரு­ளி­யல் 7.1 விழுக்­காடு வளர்ச்சி அடைந்து உள்­ளது.

சிங்­கப்­பூ­ரின் பொரு­ளி­யல் 2021ல் ஏறத்­தாழ 7 விழுக்­காடு வளர்ச்சி அடை­யும். அடுத்த ஆண்­டில் வளர்ச்சி 3% முதல் 5% வரை இருக்­கும் என்று அதி­கா­ர­பூர்வ முன்­னு­ரைப்­பு­கள் தெரி­விக்­கின்­றன.

தொற்று கார­ண­மாக நடப்­புக்கு வந்த கட்­டுப்­பா­டு­க­ளால் ஏற்­பட்ட பாதிப்­பு­கள், உல­கப் பொரு­ளி­ய­லின் மந்­த­நிலை ஆகி­ய­வற்­றில் இருந்து இந்த ஆண்­டில் சிங்­கப்­பூர் மீண்டு­வர தொடங்­கி­யது.

ஆனால் திடீ­ரென ஓமிக்­ரான் தலை­தூக்­கி­ய­தால் தடுப்­பூசி போட்டுக்­கொண்­டோ­ருக்­கான பயணத் திட்­ட­ங்க­ளுக்­கான பய­ணச்­சீட்டு விற்­ப­னையை சிங்­கப்­பூர் நிறுத்­தி­வைக்க வேண்­டிய நிலைமை ஏற்­பட்­டு­விட்­டது.

சிங்­கப்­பூர் நாணய ஆணை­யம் அக்­டோ­ப­ரில் நடத்­திய தனது கூட்­டத்­தின்­போது எதிர்­பா­ராத வித­மாக தன்­னு­டைய நாண­யக் கொள்கையை இறுக்­கி­யது. ஆணை­யம் அடுத்த ஆண்டு ஏப்­ர­லி­லும் இதையே செய்­யும் என்று பொரு­ளி­யல் வல்­லு­நர்­கள் பர­வ­லாக எதிர்­பார்க்­கி­றார்­கள்.