செய்திக்கொத்து

ஓமிக்ரான் தொற்று ஏறக்குறைய இரண்டு மடங்கு கூடியது

சிங்­கப்­பூ­ரில் புதன்கிழமை புதி­தாக 797 பேருக்கு கொரோனா, ஓமிக்ரான் தொற்று உறு­திப்­படுத்­தப்­பட்டதாக­ சுகாதார அமைச்சு கூறி­யது. இந்த எண்ணிக்கை அதற்கு முந்தைய நாளன்று 438 ஆக இருந்தது.

அவர்­களில் 513 பேர் உள்ளூரைச் சேர்ந்­த­வர்­கள். 284 பேர் வெளி­நா­டு­களில் இருந்து வந்­த­வர்­கள். மொத்தம் 882 பேருக்குத் தொற்று உறுதியானது. அவர்களில் 486 பேர் உள்ளூர் மக்கள். 396 பேர் வெளி­நா­டு­களில் இருந்து வந்­த­வர்­கள். ஒருவர் புதன்கிழமை மரணமடைந்துவிட்டார். மொத்த மரண எண்ணிக்கை 839 ஆகியது. வாராந்­திர கொவிட்-19 தொற்று விகி­தம் 1.60 ஆகக் குறைந்தது.

சிங்­கப்­பூ­ரில் கொரோனா தொற்­றி­யோ­ரின் மொத்த எண்­ணிக்கை புதன்கிழமை நில­வரப்­படி 288,125. மருத்துவ மனையில் 167 பேர் சிகிச்சை பெற்று வருகிறார்கள். தீவிர சிகிச்சைப் பிரிவில் 11 பேர் உள்ளனர்.

சிங்கப்பூரில் தடுப்பூசி போட்டுக்கொள்ள தகுதி பெற்றுள்ளவர்களில் மொத்தம் 91 விழுக்காட்டினரும், மொத்த மக்களில் 87 விழுக்காட்டினரும் முழுமையாக தடுப்பூசி போட்டுக்கொண்டிருந்தனர். ஏறத்தாழ 48 விழுக்காட்டினர் கூடுதல் தடுப்பூசி போட்டுக்கொண்டனர்.

அமைச்சர் ஈஸ்வரன் விளக்கம்:

ஆண்டுக்கு $1மி. மிச்சமாகும்

மவுண்ட் பிளசண்ட், மரினா சவுத் ஆகிய இரண்டு எம்ஆர்டி நிலையங்கள் அமைந்துள்ள பகுதிகளில் வீடுகள் ஆயத்த மாகும்வரை அந்த இரு நிலையங்களும் மூடியே இருந்தால் ஆண்டுக்கு $1 மில்லியன் வரை மிச்சமாகும் என்று போக்குவரத்து அமைச்சர் எஸ் ஈஸ்வரன் தெரிவித்தார்.

தாம்சன் ஈஸ்ட் கோஸ்ட் வழித்தடத்தின் கட்டம் 3ன் பாதையில் அந்த நிலையங்கள் அமைந்துள்ளன. அவற்றின் அருகில் இருக்கும் எஞ்சிய இதர நிலையங்களுடன் சேர்த்து அவ்விரு நிலையங்களையும் திறந்துவிடும் பட்சத்தில் அவற்றைப் பயன்படுத்துவோர் குறைவாகவே இருப்பார்கள் என்பதே இதற்கான காரணம் என்றாரவர்.

ஸ்டீவன்ஸ் முதல் கார்டன்ஸ் பை தி பே வரைப்பட்ட எஞ்சிய 11 நிலையங்களும் 2022 பிற்பகுதியில் திறக்கப்பட உள்ளன. ராடின் மாஸ் நாடாளுமன்ற உறுப்பினர் மெல்வின் யோங்கிற்கு எழுத்து மூலமாக அளித்த பதிலில் அமைச்சர் இந்த விவரங்களைத் தெரிவித்துள்ளார்.

மவுண்ட் பிளசண்ட், மரினா சவுத் ஆகிய இரண்டு நிலையங்கள் அமைந்துள்ள பகுதிகளில் இடம்பெறக்கூடிய மேம்பாடுகளை நிலப் போக்குவரத்து ஆணையம் அணுக்கமாகக் கண்காணித்துவரும்.

அந்த இரு நிலையங்களும் எப்போது திறக்கப்படும் என்பது பற்றிய விவரங்களைச் சரியான நேரத்தில் ஆணையம் வெளியிடும் என்றார் திரு ஈஸ்வரன்.

பொதுச் சேவை ஆணைய கல்வி உபகாரச் சம்பளம் பற்றி அமைச்சர்

பொதுச் சேவை ஆணையத்தின் கல்வி உபகாரச் சம்பளத்தை 2019ஆம் ஆண்டுக்கும் 2021ஆம் ஆண்டுக்கும் இடையில் பெற்றவர்களில் ராஃபிள்ஸ் கல்வி நிலையம், அல்லது ஹுவா சோங் கல்வி நிலையம் ஆகியவற்றைச் சேர்ந்தவர்கள் சராசரியாக பாதி பேர் கூட இல்லை என்று கல்வி அமைச்சர் சான் சுன் சிங் தெரிவித்தார்.

கடந்த 2012 முதல் 2018 வரை அந்தக் கல்வி உபகாரச் சம்பளத்தைப் பெற்றவர்களில் 60%க்கும் மேற்பட்டவர்கள் இந்த இரண்டு கல்வி நிலையங்களையும் சேர்ந்தவர்களாக இருந்தார்கள். இந்த அளவு இப்போது குறைந்துள்ளது.

பாட்டாளிக் கட்சி நாடாளுமன்ற உறுப்பினர் லியோன் பெரேராவுக்குப் புதன்கிழமை பிரதமர் சார்பில் எழுத்து மூலமாக அளித்த பதிலில் அமைச்சர் இந்த விவரங்களைத் தெரிவித்துள்ளார். பொதுச் சேவை ஆணையத்தின் கல்வி உபகாரச் சம்பளங்களை இப்போது பரவலாக பலரும் பெறுகிறார்கள் என்று அமைச்சர் விளக்கினார்.

தொடக்கக் கல்லூரிகள், ஒருங்கிணைந்த கல்வித் திட்டத்தைச் சேர்ந்தவர்கள் அந்த உதவியைப் பெறுவது அதிகமாகி இருக்கிறது. அதைப் பெற்ற பலதுறைத் தொழிற்கல்லூரி மாணவர்களும் அண்மைய ஆண்டுகளில் அதிகம் என்று அமைச்சர் தெரிவித்தார்.

 
Article Hard Regwall
 

Register and read for free!

உங்கள் செய்தி வரம்பை எட்டிவிட்டீர்கள். மேலும் படிக்க இலவசக் கணக்கு தொடங்கவும்.
இன்று மேலும் 1 செய்திகளைப் படிக்கலாம். 
மேலும் படிக்க இலவசக் கணக்கு தொடங்கவும்.
 
 
ஏற்கெனவே பதிவுசெய்துள்ளீர்களா?
 
 

அண்மைய காணொளிகள்

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு மாதத்திற்கு $4.90 மட்டுமே! (ஒப்பந்தம் கிடையாது)
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை இலவசமாக வாசிக்க
தடையற்ற சேவைக்கு சந்தாதாரராகுங்கள். TM Icon
X

அதற்குள்ளாகவா? இந்தச் செய்திகளையும் படிக்கலாமே!

அதற்குள்ளாகவா?
இந்தச் செய்திகளையும் படிக்கலாமே!