மாணவர் முரசு
இ-பேப்பர்
வாகன உரிமைச் சான்றிதழ் (சிஓஇ) கட்டணங்கள் நேற்றைய ஏலத்தில் எல்லா வகை வாகனங்களுக்கும் அதிகரித்தது.
இவற்றில் 1,600சிசிக்கு மேல் உள்ள பெரிய, சக்தி வாய்ந்த கார்
களுக்கான கட்டணம் ஆக அதிகமாக உயர்ந்தது.
இரு வாரங்களுக்கு ஒருமுறை நடத்தப்படும் ஏலம் இதற்கு முன்னர் ஜனவரி 5ஆம் தேதி நடைபெற்றபோது இந்த கார்களுக்கான சிஓஇ கட்டணம் $77,700 ஆக இருந்த நிலையில் நேற்று அது
5.5 விழுக்காடு அதிகரித்து $82,001 என முடிவடைந்தது.
இதற்கு அடுத்த பெரிய ஏற்றம் மோட்டார்சைக்கிள் பிரிவில் நிகழ்ந்தது. முந்திய ஏலத்தில் $9,689 ஆக இருந்த கட்டணம் நேற்றைய ஏலத்தில் 3.2 விழுக்காடு அதிகரித்து $10,000ஐ தொட்டது.
வர்த்தக வாகனங்களுக்கான கட்டணம் சிறிய ஏற்றம் கண்டது. $42,200ஆக இருந்த அந்தக் கட்டணம் 1.9 விழுக்காடு அதிகரித்து $43,001 ஆனது.
மோட்டார்சைக்கிள் தவிர்த்து இதர எல்லா வகை வாகனங்களுக்குமான சிஓஇ கட்டணத்திலும் சிறிய ஏற்றம் நிகழ்ந்தது. $82,501 என்பது $83,911 ஆக முடிவடைந்தது. இந்த ஏற்றத்தின் விகிதம் 1.7 விழுக்காடு.
சிறிய கார்களின் வாகன உரிமைச் சான்றிதழ் கட்டணம் மட்டும் 0.5 விழுக்காடு, அதாவது $299 அதிகரித்து $57,898 ஆனது.
இந்த ஏலத்திற்கு 1,775 விண்ணப்பங்கள் நிர்ணயிக்கப்பட்ட நிலையில் 2,513 விண்ணப்பங்கள் பெறப்பட்டன.