மாணவர் முரசு
இ-பேப்பர்
தயாரிப்பு உரிமம் பெறாமல் 430,000க்கும் மேற்பட்ட மூன்றடுக்கு அறுவை சிகிச்சையின்போது பயன்படுத்தப்படும் முகக்கவசங்களைத் தயாரித்ததாக ஒரு நிறுவனத்தின் மீது குற்றச்சாட்டு கொண்டு வரப்பட்டுள்ளது.
'ஃபர்ஸ்ட் என்-லாப்' எனும் அந்நிறுவனம் ஒருமுறை பயன்படுத்தக்கூடிய மருத்துவ பொருட்களை தயாரித்து வருகிறது.
2020 அக்டோபருக்கும் கடந்த ஆண்டு ஏப்ரலுக்கும் இடையே அது 'என்-லாப்' என்று பெயரிடப்பட்ட முகக்கவங்களைத் தயாரித்தது. சுகாதாரப் பொருட்கள் சட்டத்தின் கீழ் அந்நிறுவனம் தயாரித்த முகக்கவசங்கள் 'கிளாஸ் ஏ' மருத்துவ சாதனங்கள் என வகைப்படுத்தப்பட்டதாக நீதிமன்ற ஆவணங்கள் தெரிவிக்கின்றன. அதாவது 'ஏ' முதல் 'டி' வரை வகைப்படுத்தப்பட்ட மருத்துவ சாதனங்களில் 'ஏ' என்பது குறைவான ஆபத்தை ஏற்படுத்தக்கூடியவை என்று சுகாதார அறிவியல் ஆணையத்தின் இணையத்தளத்தில் இடம்பெற்றுள்ள தகவல்கள் தெரிவிக்கின்றன. அடுத்த மாதம் வழக்கு மீண்டும் விசாரணைக்கு வரும்போது 'ஃபர்ஸ்ட் என்-லாப்' குற்றச்சாட்டுகளை ஒப்புக்கொள்ளும் என எதிர்பார்க்கப்படுகிறது.
