மாணவர் முரசு
இ-பேப்பர்
செயின்ட் ஜான்ஸ் தீவில் சைக்கிள்களை வாடகைக்குத் தரும் கூடாரம் அமைக்கப்படவுள்ளது. இதன் தொடர்பில் சென்ற ஆண்டு நடத்தப்பட்ட சோதனை வெற்றிகரமாக நடந்ததைத் தொடர்ந்து இந்தச் சேவை வழங்கப்படவுள்ளது.
சென்ற ஆண்டு மார்ச் மாதம் முதல் செப்டம்பர் மாதம் வரை சோதனை நடத்தப்பட்டது. அதற்கு நல்ல வரவேற்பு கிடைத்ததாக 'எஸ்டிசி' எனும் செந்தோசா மேம்பாட்டுக் கழகம் தெரிவித்தது. வாடகை சைக்கிள் கூடாரத்தை நடத்துவோரை அந்தக் கழகம் நியமிக்கும்.
தெற்குத் தீவுகளை நிர்வகிக்கும் சிங்கப்பூர் நில ஆணையத்துடன் செந்தோசா மேம்பாட்டுக் கழகம் இணைந்து செயல்படும். ஒவ்வோர் ஈராண்டுகளுக்கும் வாடகை சைக்கிள் கூடாரம் இயங்கும்.
செயின்ட் ஜான்ஸ் தீவின் படகு நிறுத்தத்திற்கு சுமார் 400 மீட்டர் தொலைவில் வாடகை சைக்கிள் கூடாரம் அமைந்திருக்கும். மரீனா சவுத் பியரிலிருந்து வரும் பார்வையாளர்கள் அங்குதான் படகிலிருந்து இறங்குவர். லஸாரஸ், செரிங்காட் உள்ளிட்ட தீவுகள் செயிட்ஸ் ஜான்ஸுடன் நிலம்வழி இணைக்கப்பட்டுள்ளன.
