மாணவர் முரசு
இ-பேப்பர்
பழைய தேசிய விளையாட்டரங்கிற்கு அருகே அமைந்துள்ளது கிலமார்ட் ராணுவ முகாம் (படம்). ஒத்திகை கள் பார்ப்பதற்கு இந்த முகாம் முக்கியமான இடமாக விளங்கியது.
நகர மறுசீரமைப்பு ஆணையத்தின் 2019ஆம் ஆண்டு பெருந்திட்டத்தின்கீழ் இது அமைந்துள்ள பகுதி குடியிருப்பு இடமாக மாற்றப்படவுள்ளது. கிலமார்ட் முகாம் இடிக்கப்படவுள்ளது.
"தேசிய தின அணிவகுப்பின்போது மாறுபட்ட முறையில் பார்வையாளர்களை ஈடுபடச் செய்யத் தொடங்கியவர்கள் நாங்களே என்று சொல்லப் பெருமைப்படுகிறோம்," என்று இங்கு இயங்கிய சிங்கப்பூர் காலாட்படை பிரிவின் முதல் குழுவைப் பற்றிக் கூறினார் அதன் தளபதியாக இருந்த திரு லீ வை முன். கிலமார்ட் முகாமை நேரில் சென்றுப் பார்த்த இவருக்குத் தற்போது 62 வயது.
"ஒவ்வொரு முறையும் கொண்டாட்ட நிகழ்ச்சிகள் போன்றவை இடம்பெறும்போது அருகில் வசித்த பொதுமக்களையும் கலந்துகொள்ளவைப்போம். எங்கள் செயலைக் கண்டு அவர்கள் மகிழ்ச்சியடைவர்," என்று நேரில் சென்ற மற்றொருவரான அதே பிரிவில் 'ரெஜிமென்டல் சார்ஜன்ட் மேஜர்' பதவியை வகித்த 74 வயது திரு வாஹாப் ஹுசேன் நினைவுகூர்ந்தார். 2020ஆம் ஆண்டு சில மாதங்களுக்கு கொவிட்-19 சமூகப் பராமரிப்பு நிலையமாகவும் இந்த முகாம் பயன்படுத்தப்பட்டது.