மாணவர் முரசு
இ-பேப்பர்
கேல்டெக்ஸ் நிறுவனம் அதன் எரிபொருள் விலையைக் குறைத்துள்ளது.
ஆனால் சினோபெக் அதன் எரிபொருள் விலையை உயர்த்தி உள்ளது.
எரிபொருள் விலை தொடர்பான ஆக அண்மைய மாற்றங்களை சிங்கப்பூர் பயனீட்டாளர் சங்கம் கண்காணித்து நேற்று வெளியிட்டது.
எரிபொருள் விலையை இணையம் மூலம் ஒப்பிட்டுக் காட்டும் சிங்கப்பூர் பயனீட்டாளர் சங்கத்தில் இணையவாசலான 'பியூவல் காக்கி'யை பொறுத்தவரை, கடந்த வெள்ளிக்கிழமையைக் காட்டிலும் கேல்டெக்ஸ் பெட்ரோல் நிலையங்களில் விற்கப்படும் எரிபொருள்களின் விலை இரண்டு காசு குறைந்துள்ளது.
கேல்டெக்ஸ் பெட்ரோல் நிலையங்களில் 92 ரக பெட்ரோலின் விலை லிட்டருக்கு $2.65. 95 ரக பெட்ரோலின் விலை $2.69.
இவை தள்ளுபடிக்கு முன்பான விலை. கேல்டெக்ஸின் உயர் ரக பெட்ரோலின் விலை லிட்டருக்கு $3.32. டீசலின் விலை லிட்டருக்கு $2.23.
சீனாவைச் சேர்ந்த நிறுவனமான சினோபெக் அதன் 95 ரக பெட்ரோலின் விலையை ஒரு காசு குறைத்து லிட்டருக்கு $2.68ஆக விற்கிறது.
ஆனால் 98 ரக பெட்ரோலின் விலையை இரண்டு காசு உயர்த்தியுள்ளது. சினோபெக்கின் 98 ரக பெட்ரோல் விலை லிட்டருக்கு $3.15.
அதன் உயர் ரக பெட்ரோலின் விலை லிட்டருக்கு $3.28.
கடந்த வாரம் பெரும்பாலான எரிபொருள் விலை இரண்டி
லிருந்து ஏழு காசு வரை உயர்ந்தது. ஷெல் நிறுவனம் மட்டுமே அதன் எரிபொருள் விலைகளை ஒரு காசு குறைத்தது.
ஆக அண்மைய மாற்றங்களின் விளைவாக மற்ற நிறுவனங்களைவிட ஆக குறைவான விலையில் 95 ரக பெட்ரோலை சினோபெக் விற்கிறது.
தள்ளுபடிக்குப் பிறகு சினோபெக்கின் 95 ரக பெட்ரோலின் விலை லிட்டருக்கு $2.10. சிங்கப்பூரில் மூன்று சினோபெக் பெட்ரோல் நிலையங்கள் மட்டுமே
உள்ளன.
கொவிட்-19 நெருக்கடிநிலை யிலிருந்து பல நாடுகள் மீண்டு வர முயற்சிகள் எடுப்பதால் எரிபொருளுக்கான தேவை அதிகரித்துள்ளது. இதனால் 2020ஆம் ஆண்டு நடுப்பகுதியிலிருந்து எரிபொருள் விலை படிப்படியாக அதிகரித்து வருகிறது.
முன்பைவிட வாடிக்கையாளர்கள் மத்தியில் மிகவும் பிரபலமான 95 ரக பெட்ரோலின் விலை லிட்டருக்கு 50 காசு ஏற்றம் கண்டுள்ளது.