தனியார் வீட்டு விலை கூடியது

தொடர்ந்து ஏழா­வது காலாண்­டாக தனி­யார் வீட்டு விலை அதி­க­ரித்­துள்­ளது. சென்ற மாதம் மட்­டும் தனி­யார் வீட்டு விலை ஐந்து விழுக்­காடு கூடி­யது.

பொரு­ளி­யல் மீண்­டு­வ­ரு­வது, வீடு­க­ளுக்­கான தேவை அதி­க­ரித்­தது ஆகி­யவை இதற்­குக் கார­ணங்­கள். கிரு­மிப் பர­வ­ல் கட்­டுப்­பா­டு­கள் நடப்­பில் இருக்­கும் வேளை­யி­லும் இந்­நிலை உரு­வா­கி­யுள்­ளது.

சென்ற ஆண்டு முழு­வ­தற்­கும் தனி­யார் வீட்டு விலை 10.6 விழுக்­காடு அதி­க­ரித்­தது. 2010ஆம் ஆண்­டுக்­குப் பிறகு சென்ற ஆண்­டு­தான் தனி­யார் வீட்டு விலை அதிகளவு கூடி­யது.

2020ஆம் ஆண்டு தனி­யார் வீட்டு விலை 2.2 விழுக்­காடு கூடி­யது. நகர மறு­சீ­ர­மைப்பு ஆணை­யம் வெளி­யிட்ட த­க­வல்­கள் இந்­தப் புள்ளி விவ­ரங்­க­ளைத் தெரி­வித்­தன.

இம்­மா­தம் மூன்­றாம் தேதி­யன்று ஆணை­யம் வெளி­யிட்ட முன்­னுரைப்­புக்­கும் பதி­வான புள்ளி விவரங்களுக்கும் மாற்­றம் இல்லை.

சென்ற ஆண்டு நான்­காம் காலாண்­டில் தனி­யார் வீடு­க­ளின் விலை ஆக வேக­மா­கக் கூடி­யது. மூன்­றாம் காலாண்­டில் அவற்­றின் விலை 1.1 விழுக்­காடு அதி­க­ரித்­தது. இரண்­டாம் காலாண்­டில் 0.8 விழுக்­கா­டும் முதல் காலாண்­டில் 3.3 விழுக்­கா­டும் விலை அதி­க­ரித்­தது.

எனி­னும், தடுப்­பூசி போட்­டுக்­கொண்­டோ­ருக்­கான 'விடி­எல்' பய­ணப் பாதை­கள் கூடுதலாகத் திறக்­கப்­பட்­ட­தைத் தொடர்ந்து கடந்த ஆண்­டி­று­தி­யில் பலர் வெளி­நா­டு­களுக்­குச் சென்­ற­தா­லும் சொத்­துச் சந்­தைத் தணிப்பு நட­வ­டிக்­கை­கள் அறி­மு­கப்­ப­டுத்­தப்­பட்­ட­தா­லும் சென்ற ஆண்டு நான்­காம் காலாண்­டில் விற்­ப­னை­யான தனி­யார் வீடு­களின் எண்­ணிக்கை குறைந்­தது.

நான்­காம் காலாண்­டில் 3,018 தரை வீடு அல்­லாத புதிய தனி­யார் வீடு­கள் விற்­ப­னை­யா­யின. இந்த எண்­ணிக்கை, மூன்­றாம் காலாண்­டில் பதி­வா­ன­தைக் காட்­டி­லும் கிட்­டத்­தட்ட 15 விழுக்­காடு குறைவு. இந்­தப் புள்ளி விவ­ரங்­களில் எக்­சிக்­கி­யூட்­டிவ் கூட்­டு­ரிமை வீடு­களின் விற்­பனை கணக்­கில் எடுக்­கப்­ப­ட­வில்லை.

ஆனால், 2021ஆம் ஆண்டு சொத்து மேம்­பாட்­டா­ளர்­கள் மொத்­த­மாக 13,027 வீடு­களை விற்­ற­னர். இது, 2020ஆம் ஆண்டு விற்­கப்­பட்ட வீடு­களைவிட 30.5 விழுக்­காடு அதி­கம். 2013ஆம் ஆண்­டுக்­குப் பிறகு இத்­தனை புதிய வீடு­கள் விற்­கப்­பட்­டது இதுவே முதல் முறை என்று 'ஓமை­ஹோம்' நிறு­வ­னத்­தின்­ஆய்வு அதி­கா­ரி­யான மோகன் சந்­தி­ர­சே­க­ரன் தெரி­வித்­தார்.

கொள்­ளை­நோய்ப் பர­வ­லால் எழுந்த வீடு­க­ளுக்­கான தேவை­யும் விற்­ப­னைக்கு விடப்பட்ட வீடு­க­ளின் எண்­ணிக்கை குறைந்­த­தும் விலை அதி­க­ரித்­த­தற்­கான கார­ணங்­கள் என்று 'ஆரஞ்சு டீ அண்ட் டை' நிறு­வ­னத்­தின் ஆய்­வுக்­கான மூத்த துணைத் தலை­வர் கிரிஸ்­டீன் சுன் கூறி­னார்.

சென்ற ஆண்டு நான்­காம் காலாண்­டில் தரை வீடு அல்­லாத தனி­யார் அடுக்­கு­மாடி, கூட்­டு­ரிமை வீட்டு விலை 5.3 விழுக்­காடு அதி­க­ரித்­தது. நான்­காம் காலாண்­டில் தரை வீடு­க­ளின் விலை 3.9 விழுக்­காடு அதி­க­ரித்­தது.