உடல் எடை குறியீடு மாணவர்களை பாதிக்கலாம்

'பிஎம்ஐ' எனும் உடல் எடை குறி­யீடு போன்ற அம்­சங்­கள் மாணவர்­க­ளின் மன­ந­ல­னைப் பாதிக்­கக்­கூ­டும் என்று மருத்­துவ, சுகா­தார வல்­லு­நர்­க­ள் சிலர் கூறு­கின்­ற­னர். இத்­த­கைய அம்­சங்­கள பொது­வாக தொடக்­கப் பள்ளி மாண­வர்­க­ளின் தேர்ச்­சிப் புத்­த­கத்­தில் குறிப்­பி­டப்­படும். இது, தன்­னம்­பிக்­கை­யில் உடல் எடைக்கு முக்­கி­யப் பங்­குண்டு என்ற கருத்தை மாண­வர்­க­ளி­டையே ஏற்­ப­டுத்­தக்­கூ­டும் என்று வல்­லுநர்­கள் கரு­து­கின்­ற­னர்.

மிக­வும் பரு­மனாக இருப்­பது, அள­வுக்கு அதி­க­மாக ஒல்­லி­யாக இருப்­பது உள்ளிட்ட பிரி­வு­க­ளாக உடல் எடைக் குறி­யீட்­டைக் கொண்டு தேர்ச்­சிப் புத்­த­கங்­களில் மாண­வர்­கள் வகைப்­ப­டுத்­தப்­ப­டு­வது ­ஸ்ட்­ரெய்ட்ஸ் டைம்­ஸுக்­குத் தெரி­ய­வந்­தது. இந்த அணு­கு­முறையை சில தொடக்­கப் பள்ளிகள் பின்­பற்­றுகின்றன.

சுகா­தார மேம்­பாட்டு வாரி­யத்­தின் உடல் எடை வழி­காட்­டி­களுக்கு ஏற்றவாறு­ மாண­வர்­களின் உடல் ரீதி­யான வளர்ச்­சி­யைக் கண்­கா­ணிக்க ஆண்­டு­தோறும் அனைத்து தொடக்­கப் பள்­ளி­களிலும் உயர்­நி­லைப் பள்ளி­க­ளிலும் இரு முறை அவர்­களின் உய­ர­மும் உடல் எடை­யும் கணக்­கி­டப்­ப­டு­கின்றன என்று கல்வி அமைச்­சின் பேச்­சா­ளர் ஒரு­வர் தெரி­வித்­தார்.

இதன் மூலம் ஆரோக்­கி­ய­மாக இல்­லாத மாண­வர்­க­ளுக்கு நல்ல உண­வுப் பழக்­கங்­க­ளைப் பின்­பற்­று­வது, அடிக்­கடி உடல் ரீதி­யான நட­வ­டிக்­கை­களில் ஈடு­ப­டு­வது போன்­ற­வற்­றில் ஆத­ரவு வழங்­கப்­படு­வ­தா­கத் தெரி­விக்­கப்­பட்­டது.

"மாண­வர்­க­ளின் ஒட்­டு­மொத்த வளர்ச்­சி­யைப் பற்றி அவர்­க­ளுக்­கும் பெற்­றோ­ருக்­கும் தெரி­யப்­படுத்த உடல் எடை குறி­யீட்டு அம்­சங்­க­ளைப் பள்­ளி­கள் குறிப்­பி­ட­லாம். மாண­வர் நலனை மேம்­படுத்தக் குடும்­பங்­க­ளுக்­கும் பள்ளி­க­ளுக்­கும் இடை­யி­லான புரிந்­து­ணர்வை வளர்க்­கும் முயற்சி­யில் இந்­ந­ட­வ­டிக்கை அடங்­கும்," என்று அவர் சுட்­டி­னார்.

எனி­னும், உடல் எடை குறி­யீடு போன்ற அம்­சங்­கள் மாண­வர்­களின் மன­ந­ல­னில் எதிர்­ம­றை­யான பாதிப்பை ஏற்­ப­டுத்­த­லாம் என்று மன­நல மருத்­து­வர்­கள் சிலர் கூறு­கின்­ற­னர். மேலும், இத­னால் மாண­வர்­க­ளின் தன்­னம்­பிக்கை குறை­லாம், உண­வுப் பழக்­கங்­கள் சார்ந்த பிரச்­சி­னை­கள் ஏற்­ப­ட­லாம் என்­றும் வேறு சில வல்லுநர்கள் எச்சரிக்கின்றனர்.

பள்­ளி­களில் மாண­வர்­க­ளின் உடல் எடை குறி­யீட்­டைக் கண்­காணிப்­ப­தற்­கான கார­ணம் தங்­களுக்­குப் புரி­வ­தாக ஸ்ட்­ரெய்ட்ஸ் டைம்ஸ் தொடர்­பு­கொண்ட 15க்கும் அதி­க­மான பெற்­றோர் தெரி­வித்­தனர். எனி­னும், இத்­த­கைய விவ­ரங்­கள், இவற்­றைக் கொண்டு தேர்ச்­சிப் புத்­த­கத்­தில் மாண­வர்­களை வெவ்­வேறு பிரி­வு­களில் வகைப்­ப­டுத்­து­வது ஆகி­ய­வற்­றின் அவ­சி­யம் குறித்­தும் பெற்­றோர் கேள்­வி­ எ­ழுப்­பி­னர்.