'இணையத்தில் பாலியல் சூழல்களை எதிர்கொள்ள பிள்ளைகளைத் தயார்படுத்துங்கள்'

பாலி­யல் ரீதி­யாக ஒரு­வ­ரு­டன் உரை­யா­டு­வது, ஆபா­சப் படங்­களைப் பார்ப்­பது என இணை­யப் பயன்­பாட்­டின்­போது இளம் பிள்­ளை­கள் தகாத சூழல்­களில் சிக்­கும் சாத்­தி­யம் உண்டு.

இச்­சூ­ழல்­களில் சிக்­கா­மல் தங்­களின் பிள்­ளை­க­ளைப் பெற்­றோர்­கள் பாது­காக்க முயற்சி செய்­யும் அதே­வே­ளை­யில், இது­போன்ற சூழ­லில் என்ன செய்ய வேண்­டும் என்­பது குறித்­தும் பிள்­ளை­க­ளைத் தயார்­ப­டுத்த வேண்­டும் என்று மன­ந­லக் கழ­கத்­தின் தலைமை நிர்­வாகி இணைப் பேரா­சி­ரி­யர் டேனி­யல் ஃபுங் கூறு­கி­றார்.

மின்­னி­லக்­கச் சாத­னங்­க­ளின் பயன்­பாடு அதி­க­ரித்­துள்ள நிலை­யில், இத்­த­கைய தகாத பாலி­யல் சூழல்­களில் சிக்­கும் பிள்­ளை­க­ளின் எண்­ணிக்­கை­யும் அதி­க­ரித்­துள்­ள­தாக அவர் தெரி­வித்­தார்.

'மேலும் பாது­காப்­பான இணைய தினம்' என்ற நாளை முன்­னிட்டு நேற்று முன்­தி­னம் ஏற்­பாடு செய்­யப்­பட்ட இணை­யக் கருத்­த­ரங்­கில் அவர் இவ்­வாறு பேசி­னார்.

இணை­யத்­தில் பாலி­யல் ரீதி­யான சூழல்­க­ளைக் கட்­டுப்­ப­டுத்து­வது முடி­யாத ஒன்று என்று சுட்­டிய பேரா­சி­ரி­யர் ஃபுங், இப்­படி ஒன்று உள்­ளது என்­றும் இதைப் பார்ப்­பது நல்­ல­தல்ல என்­றும் பெற்­றோர்­கள் தங்­கள் பிள்­ளை­க­ளுக்­குப் புரிய வைக்­க­வேண்­டும் என்­றார்.

"உற­வு­கள் என்­றால் என்ன என்­ப­தைப் பற்றி ஆபா­சப் படங்­கள் வழி ஒரு­வர் தவ­றா­ன­வற்­றைப் புரிந்து­கொள்­ள­லாம். அது­வும் ஆபா­சப் படங்­க­ளைப் பார்க்­கும் பழக்­கத்­திற்கு அடி­மை­யா­கும் நிலை­யும் ஏற்­ப­ட­லாம்," என்று பகிர்ந்­து­கொண்­டார் அவர்.

இணை­யத்­தில் பாலி­யல் ரீதி­யான சூழல்­களில் சிக்­கிய இளம் பிள்­ளை­க­ளின் விகி­தம் 2010ஆம் ஆண்­டில் 10 விழுக்­கா­டாக இருந்­தது. இது 2017ல் 30 விழுக்­காட்­டிற்கு மேல் பதி­வா­கி­யி­ருந்­தது என்று 2018ஆம் ஆண்­டின் அறிக்கை ஒன்றை அவர் மேற்­கோள் காட்­டி­னார்.

தொடர்பு, தக­வல் அமைச்­சின் நாடா­ளு­மன்­றச் செய­லா­ளர் ரஹாயு மஹ்­ஸாம் இணை­யக் கருத்­த­ரங்­கில் கலந்­து­கொண்டு, பாது­காப்­பான இணை­யப் பயன்­பாடு தொடர்­பில் சிங்­கப்­பூ­ரின் சட்­டங்­கள் சில­வற்­றைத் திருத்­தும் தேவை எழ­லாம் என்று குறிப்­பிட்­டார்.

பெற்­றோர்­கள், கல்­வி­யா­ளர்­கள் எனக் கருத்­த­ரங்­கில் 180க்கும் மேற்­பட்­டோர் கலந்­து­கொண்­ட­னர்.

கருத்­த­ரங்­கில் பெற்­றோர்­கள் எழுப்­பிய சில அக்­க­றைக்­கு­ரிய விவ­கா­ரங்­கள்:

அறி­மு­கம் இல்­லாத ஒரு­வ­ரு­டன் இணை­யத்­தில் என் பிள்ளை

நட்­பு­கொள்­வ­தைத் தடுப்­பதா...

பேச முடி­யாது என்­ப­தை­விட, முக்­கி­ய­மான தக­வல்­களை அவர்­களு­டன் பகிர்ந்­து­கொள்­வ­தால் உங்­கள் பிள்­ளைக்­குப் பின்­னர் பாதிப்பு உண்­டா­குமா என்­பதை எண்­ணிப் பார்க்க வேண்­டும்.

ஆபா­சப் படங்­க­ளைப்

பார்ப்­ப­தி­லி­ருந்து என்

பிள்­ளையை நான் எவ்­வாறு

பாது­காப்­பது...

உங்­கள் பிள்ளை இது­போன்ற படங்­க­ளைப் பார்க்­கி­றார் என்­பதை நீங்­கள் அறிய வந்­தால், அமை­தி­யாக அவ­ரு­டன் பேசி, இவற்­றைப் பார்ப்­ப­தற்­கான அவ­ரது கார­ணத்­தைக் கேட்­ட­றி­யுங்­கள்.

பெண்­களை இழி­வு­ப­டுத்­தும் வகை­யில் அமை­யும் ஆபா­சப் படங்­க­ளைப் பார்ப்­பது நல்­ல­தல்ல என்­பதை விளக்­க­வும்.

இணை­யத்­தில் அச்­சு­றுத்­தும்

நபர்­க­ளைச் சமா­ளிக்க, என்

பிள்­ளைக்கு நான் எப்­படி

உத­வு­வது...

ஒரு­வர் தன்னை அச்­சு­றுத்­து­கிறார் என்­ப­தைப் பிள்­ளை­கள் ஒப்­புக்­கொள்­ளத் தயங்­க­லாம். இவ்­வாறு ஒப்­புக்­கொள்­வ­தைப் பல­வீ­னத்­தின் அறி­கு­றி­யா­கப் பிள்­ளை­கள் கரு­த­லாம்.

தன்னை அச்­சு­றுத்­தும் அல்லது துன்­பு­றுத்­தும் நப­ரைப் பற்றி புகார் அளிக்­க­வும் அவர் இனி தன்­னைத் தொடர்­பு­கொள்­ளா­த­வாறு தடுக்­க­வும் முடி­யும் என்­ப­தைப் பெற்­றோர் அறி­வு­றுத்­த­லாம்.

மின்­னி­லக்க உல­கில் என் பிள்ளை பாது­காப்­பாக உலாவ, நான் எத்­த­கைய வழக்­கங்­களை நடை­மு­றைப்­ப­டுத்­து­வது...

பிள்­ளை­க­ளின் மின்­னி­லக்­கப் பய­ணத்­தில் பெற்­றோ­ருக்­கும் பங்­குண்டு.

தகா­த­வற்றை இணை­யத்­தில் காணும் நிலை ஏற்­ப­டு­வ­தைத் தடுக்க, பல செய­லி­கள் உள்­ளன. அவற்றை முத­லில் பயன்­ப­டுத்­த­வும்.

இணை­யத்­தில் பிள்­ளை­கள் எவ்­வாறு நடந்­து­கொள்­கி­றார்­கள், அவர்­கள் எவ்­வ­ளவு நேரம் செல­வ­ழிக்­கி­றார்­கள் என்­ப­தைப் பெற்­றோர்­கள் அணுக்­க­மா­கக் கண்­கா­ணிக்க வேண்­டும்.