வேலை அனுமதி அட்டை விண்ணப்பத்தில் பொய்த் தகவல்

ஆடவருக்குச் சிறைத் தண்டனை, அபராதம்

தன்­னி­டம் இல்­லப் பணிப்­பெண்­ணாக வேலை பார்த்த பிலிப்­பீன்ஸ் நாட்­ட­வ­ரின் வேலை அனு­மதி அட்டை விண்­ணப்­பத்­தில் பொய்த் தக­வல் அளித்­த­து­டன் தன் வீட்­டில் அல்­லா­மல் வேறு இடத்­தில் வேலை தேடிக்­கொள்ள அனு­ம­தித்­த­தற்­காக 34 வயது ஹஃபிஸு­டின் ஜாஃப­ருக்கு நேற்று ஆறு வாரச் சிறைத் தண்­டனை விதிக்­கப்­பட்­டது.

வேலை அனு­மதி அட்­டைக்­காக விண்­ணப்­பிக்க, அந்­தப் பணிப்­பெண்­ணி­ட­மி­ருந்து $9,000க்கும் மேற்­பட்ட தொகையை சிங்­கப்­பூ­ர­ரான ஹஃபிஸு­டின் பெற்­றுக்­கொண்­ட­தா­க­வும் கூறப்­பட்­டது. இதற்­காக ஹஃபிஸு­டி­னுக்கு $50,750 அப­ரா­தம் விதிக்­கப்­பட்­ட­போ­தும் அவ­ரால் அத்­தொ­கை­யைச் செலுத்த முடி­யாத நிலை­யில் அதற்­குப் பதில் மேலும் 14 வாரச் சிறைத் தண்­டனை விதிக்­கப்­பட்­டது.

தனது வேலை அனு­மதி அட்டை விண்­ணப்­பத்­தில் போலித் தக­வல் அளித்­த­தற்­காக கடும் எச்­ச­ரிக்­கை­யு­டன் மீண்­டும் பிலிப்­பீன்­சுக்கு அந்­தப் பணிப்­பெண் அனுப்­பப்­பட்­டு­விட்­டார். அத்­து­டன் சிங்­கப்­பூ­ரில் வேலை செய்­ய­வும் பணிப்­பெண்­ணுக்­குத் தடை விதிக்­கப்­பட்­டது.

மனி­த­வள அமைச்சு நேற்று வெளி­யிட்ட அறிக்­கை­யின்­படி, 2018ஆம் ஆண்டு ஜன­வரி 8ஆம் தேதி­யன்று சமர்ப்­பிக்­கப்­பட்ட வேலை அனு­மதி அட்டை விண்­ணப்­பத்­தில் ஹஃபிஸு­டின் பொய்த் தக­வல் அளித்­தி­ருந்­த­தாக விசா­ர­ணை­கள் கண்­ட­றிந்­தி­ருந்­தன.

தன் வீட்­டில் இல்­லப் பணிப்­பெண்­ணாக அந்த 36 வயது பிலிப்­பீன்ஸ் நாட்­ட­வரை நிய­மிப்­ப­தாக விண்­ணப்­பத்­தில் குறிப்­பிடப்­பட்­டி­ருந்­தது. இருப்­பி­னும், பணிப்­பெண் சிங்­கப்­பூ­ரி­லேயே இருந்­த­வாறு வேறு இடத்­தில் வேலை தேடிக்­கொள்ள ஹஃபிஸு­டின் அவ்­வாறு பொய்த் தக­வல் அளித்­தி­ருந்­த­தா­கக் கூறப்­பட்­டது.

பணிப்­பெண்­ணின் வேலை அனு­மதி அட்­டை­யைப் புதுப்­பிக்க ஹஃபிஸு­டின் 2019ஆம் ஆண்டு ஜன­வரி 23ஆம் தேதி­யன்று விண்­ணப்­பித்­தி­ருந்­தார். தொடர்ந்து பணிப்­பெண் ஹஃபிஸு­டி­னுக்­காக வேலை செய்­வார் என்ற நோக்­கில் விண்­ணப்­ப­மும் ஏற்­றுக்­கொள்­ளப்­பட்­டது.

விண்­ணப்­பத்­திற்­கா­க­வும் புதுப்­பிக்­கப்­பட்ட வேலை அனு­மதி அட்­டைக்­கா­க­வும் ஜன­வரி 2018க்கும் பிப்­ர­வரி 2020க்கும் இடைப்­பட்ட காலத்­தில் பணிப்­பெண்­ணி­ட­மிருந்து ஹஃபிஸு­டின் $9,380ஐப் பெற்­றுக்­கொண்­ட­தா­கக் கூறப்­பட்­டது.