ஏழு புதிய தலைமுறை சரக்கு விமானங்களை வாங்க சிங்கப்பூர் ஏர்லைன்ஸ் ஒப்பந்தம்

புதி­தாக ஏழு ஏர்­பஸ் ஏ350 சரக்கு விமா­னங்­களை வாங்க இருப்­ப­தாக வெளி­யான தக­வலை சிங்­கப்­பூர் ஏர்­லைன்ஸ் நேற்று உறுதி செய்­தது. ஆனால் அவற்­றின் விலை பற்றி அது குறிப்­பி­ட­வில்லை. தற்­போ­தைய போயிங் ரக சரக்கு விமா­னங்­க­ளைக் காட்­டி­லும் புதிய விமா­னங்­கள் குறை­வான கரி­மத்தை வெளி­யேற்­றக்­கூ­டி­யவை என்­ப­தால் அவற்றை வாங்க முடிவு எடுத்ததாக அந்­நி­று­வ­னம் கூறி­யது.

இந்த விமா­னங்­கள் 2025ஆம் ஆண்­டின் நான்­காம் காலாண்டு முதல் கட்­டம் கட்­ட­மாக இங்கு வந்து சேரும். அக­ல­மான இந்த புதிய தலை­முறை சரக்கு விமா­னத்தை இயக்­க­வி­ருக்­கும் முதல் விமான நிறு­வ­னம் சிங்­கப்­பூர் ஏர்­லைன்ஸ் என்­பது குறிப்­பி­டத்­

தக்­கது.

அதி­க­ரித்து வரும் இணைய வர்த்­த­கம், தடுப்­பூசி மற்­றும் மருத்­துவ சாத­னங்­களை அனுப்­பு­தல் போன்ற கார­ணங்­க­ளால் விமான சரக்­குக் கட்­ட­ணங்­கள் உச்­சத்­தைத் தொட்­டுள்ள வேளை­யில் புதிய சரக்கு விமா­னங்­கள் வாங்­கப்­ப­டு­கின்­றன.

புதிய விமா­னங்­களை வாங்­கு­வ­தற்கான ஒப்பந்தம் நேற்று கையெழுத் தானது. மேலும் ஐந்து விமா­னங்­களை வாங்­கு­வ­தற்­கான தெரிவை அது உள்­ள­டக்கி உள்­ளது.

சந்­தை­யின் தேவை­யைப் பொருத்து கூடு­தல் விமா­னங்­களை வாங்­கு­வது பற்றி பின்­னர் முடிவு செய்­வ­தற்கு ஏது­வாக ஒப்­பந்­தத்­தில் இந்த அம்­சம் இடம்­பெற்று உள்­ள­தாக சிங்­கப்­பூர் ஏர்­லைன்ஸ் தலைமை நிர்­வாக அதி­காரி கோ சூன் ஃபோங் கூறி­னார்.