பெண் கொலை: சம்பவ இடம் செல்லும் சந்தேக நபரான கணவர்

தனது மனை­வி­யைக் கொன்­ற­தாகச் சந்­தே­கிக்­கப்­படும் ஓர் ஆட­வர் அடுத்த வாரம் சம்பவ இடத்­திற்­குக் கொண்டு செல்­லப்­ப­ட­வுள்­ளார் என்று காவல்­து­றை­யின் தரப்­பில் வாதி­டும் அதி­காரி ஒரு­வர் தெரி­வித்­துள்­ளார். சாங்கி சிறை­யின் மருத்­துவ நிலை­யத்­தில் அவ­ருக்கு மனநல பரிசோதனை மெற்­கொள்­ளப்­பட்ட பிறகு சந்தேகநபரான டேவிட் பிரை­யன் சோவ் குவொக்-ஹுன் மத்­திய காவல்­து­றைப் பிரி­வில் தடுப்­புக் காவ­லில் வைக்­கப்­படு­வார்.

33 வயது சோவ் தனது 30 வயது மனைவி திருவாட்டி எலி­ச­பெத் ஃபிரான்­சி­ஸைக் கொலை செய்­த­தா­கச் சந்­தே­கிக்­கப்­ப­டு­கிறது. அச்­சம்­ப­வம் அங் மோ கியோ ஸ்தி­ரீட் 23ல் உள்ள ஒரு வீட்­டில் சென்ற மாதம் 11ஆம் தேதி நிகழ்ந்­தது. மாண்­ட­வர் ஒரு கர்ப்­பிணி என்று அவ­ரின் நண்­பர் ஸ்ட்­ரெய்ட்ஸ் டைம்­ஸி­டம் தெரி­வித்­தார்.

சம்­ப­வ இடத்­தில் சோவ் ஆதா­ரங்­களை அடை­யா­ளம் காண காவல்­து­றைக்கு உத­வு­வார் என்று காவல்­து­றை­யின் தரப்­பில் வாதி­டும் அதி­காரி கூறினார். காணொளி வாயி­லாக சோவ் நேற்று நீதி­மன்­றத்­தில் முன்­னி­லைப்­ப­டுத்­தப்­பட்டார். அவ­ருக்­கா­கப் புதி­தாக நிய­மிக்­கப்­பட்ட மூன்று வழக்­க­றி­ஞர்­க­ளான திரு சசி நாதன், திரு ஜெரிமி பரேரா, திரு­வாட்டி லாரா இயோ ஆகி­யோர் வாதி­டு­கின்­ற­னர். இதற்கு முன் அவ­ருக்­காக வாதிட்ட வழக்­க­றி­ஞர்­கள் இந்த வழக்­கிலிருந்து நீக்கப்பட்டனர்.

சென்ற மாதம் 11ஆம் தேதி­யன்று காலை சுமார் 7.35 மணிக்கு அடுக்­கு­மாடி வீட்­டில் ஒரு­வர் குத்­தப்­பட்­ட­தா­க தங்­க­ளுக்­குத் தக­வல் வந்­த­தென்று காவல்­துறை இதற்கு முன் அறிக்கை ஒன்­றில் தெரி­வித்­தி­ருந்­தது. சம்­பவ இடத்­திற்கு அதி­கா­ரி­கள் சென்­ற­போது திரு­வாட்டி ஃபிரான்­சிஸ் பேச்சு மூச்­சின்றி கிடந்­தார். சம்­பவ இடத்­தி­லேயே அவ­ரின் மர­ணம் உறு­திப்­ப­டுத்­தப்­பட்­டது.