வரவுசெலவுத் திட்ட அறிவிப்புகள்

கொவிட்-19 சுகாதாரச் செலவுக்கு

கையிருப்பு நிதியிலிருந்து $6 பி.

கொவிட்-19 சூழ­லில் இருந்து வேக­மா­க­வும் நம்­பிக்­கை­யு­ட­னும் சிங்­கப்­பூர் மீண்­டெ­ழு­வதை உறுதி செய்ய நாட்­டின் கடந்­த­கால சேமிப்பை அர­சாங்­கம் பயன்­ப­டுத்­தும். கொள்­ளை­நோய் தொடர்­பான பொதுச் சுகா­தார செல­வி­னங்­க­ளுக்­காக இந்த ஆண்டு $6 பில்­லி­யன் அள­வுக்கு நிதிக் கையி­ருப்­பைப் பயன்­ப­டுத்த வேண்டி இருக்­கும் என்று நிதி அமைச்­சர் லாரன்ஸ் வோங் தெரி­வித்­துள்­ளார். இந்­தத் தொகையை எடுக்க அதி­பர் ஹலிமா யாக்­கோப் கொள்கை அள­வில் ஒப்­பு­தலை வழங்கி இருப்­ப­தா­க­வும் அவர் சொன்­னார். இந்­தத் தொகை­யை­யும் சேர்த்­தால் 2020ஆம் தொடங்கி இந்த ஆண்டு வரை­யி­லான மூன்று நிதி ஆண்­டு­களில் சேமிப்­பி­லி­ருந்து எடுக்­கப்­பட்ட தொகை $42.9 பில்­லி­ய­னைத் தொடும் என எதிர்­பார்க்­கப்­ப­டு­கிறது. கொள்­ளை­நோய் பர­வத் தொடங்­கிய வேளை­யில் நிலை­மை­யைச் சமா­ளிக்க $52 பில்­லி­யன் தேவைப்­ப­ட­லாம் என அர­சாங்­கம் கணித்த தொகை­யைக் காட்­டி­லும் இது குறைவு. தற்­போது எடுக்­கப்­படும் $6 பில்­லி­ய­னில் இருந்து $3.7 பில்­லி­யன் கொவிட்-19 பரி­சோ­தனை, மருந்­தக நிர்­வா­கம் மற்­றும் தொடர்­புத்­த­ட­ம­றி­தல் போன்ற ஏற்­பாடு­க­ளுக்­கும் $1.2 பில்­லி­யன் தொகை தடுப்­பூசி மற்­றும் சிகிச்­சை­க­ளுக்­கும் செல­வி­டப்­படும் என்­றார் அமைச்­சர்.

எஞ்­சிய $1.1 பில்­லி­யன் தனி­மைப்­ப­டுத்­தும் வச­தி­க­ளுக்­கும் எல்லை நிர்­வா­கம் மற்­றும் பாது­காப்பு இடை­வெளி போன்­ற­வற்­றைக் கவ­னிக்­கவும் செல­வா­கும் என்­றார் அவர்.

பணியிடை மாற்றத்தை விரும்பும் ஊழியர்களுக்குப் புதிய திட்டம்

பணியிடை மாற்றத்தை விரும்பும் ஊழியர் களுக்கு உதவும் புதிய திட்டம் அறிவிக்கப்பட்டுள்ளது. ஸ்கில்ஸ்ஃபியூச்சர் பணி நிலைமாற்றத் திட்டம் என்று அழைக்கப்படும் இந்தத் திட்டம் ஏப்ரல் முதல் தேதி நடப்புக்கு வரும். துறைசார்ந்த பயிற்சி வகுப்புகளில் சேர்ந்து, வேலை வாய்ப்பை உயர்த்திக் கொள்ள அது உதவும். ஸ்கில்ஸ்ஃபியூச்சர் திட்டத்தால் நியமிக்கப்பட்ட தொடர் கல்வி, பயிற்சி நிலையங்கள் அத்தகைய பயிற்சி வகுப்புகளை நடத்துகின்றன.

3 முதல் 12 மாதங்கள் வரை நீடிக்கும் அந்தப் பயிற்சி வகுப்புகள் தொழில்சார்ந்த அனுபவம் பெற வகைசெய்யும். 2020ஆம் ஆண்டு அறிமுகமான எஸ்ஜி ஒற்றுமை இயக்கத்தின் திறன் திட்டம், எஸ்ஜி ஒற்றுமை இயக்கத்தின் பணியிடைக்கால வாழ்க்கைத்தொழில் பாதைகள் ­நிறுவனப் பயிற்சித் திட்டம் ஆகியவை மார்ச் 31ஆம் தேதியுடன் நிறைவடையவிருக்கின்றன. புதிய ஸ்கில்ஸ்ஃபியூச்சர் பணி நிலைமாற்றத் திட்டம் அந்த இரண்டு தேசிய அளவிலான திட்டங்களுக்கும் மாற்றாக அமையும் என்று நிதியமைச்சர் லாரன்ஸ் வோங் குறிப்பிட்டார். 40களிலும், 50களிலும் உள்ள ஊழியர்கள் மதிக்கத்தக்க வேலை அனுபவம் கொண்ட வர்கள். அவர்கள் தொடர்ந்து கல்வி கற்று, புதிய திறன் களுடன் புதிய வேலைகளை ஏற்க உதவும் வகையில், பணியிடைக்கால மாற்றத்தை விரும்புவோர் மீது சிறப்புக் கவனம் செலுத்தப்படுவதாக அமைச்சர் கூறினார். புதிய திட்டத்தின்கீழ் பயிற்சி வகுப்புகளில் சேருவோர்க்கு,

பயிற்சி வகுப்புகள் குறித்த ஆலோசனை, வேலைப் பயிற்சி என பலதரப்பட்ட ஆதரவு வழங்கப்படும்.

$3 பி. பற்றாக்குறை எதிர்பார்ப்பு

இந்த ஆண்டு முழுமைக்கும் பொருளியல் ஆதரவில் கவனம் செலுத்த இருக்கும் வரவுசெலவுத் திட்டத்தில் $3 பில்லியன் பற்றாக்குறை இருக்கும் என்று எதிர்பார்க்கப்படுகிறது. இது நாட்டின் மொத்த உள்நாட்டு உற்பத்தியில் 0.5 விழுக்காடு. இருப்பினும் கடந்த ஆண்டின் $5 பில்லியன் பற்றாக் குறையைக் காட்டிலும் இது குறைவு. அந்தப் பற்றாக்குறை மொத்த உள்நாட்டு உற்பத்தியில் 9 விழுக்காட்டை வகித்தது.இந்த வரவுசெலவுத் திட்டத்தில் வேலை, வர்த்தக ஆதரவுத் தொகுப்புத் திட்டத்திற்கு $500 மில்லியன், குடும்ப ஆதரவுத் தொகுப்புத் திட்டத்திற்கு $560 மில்லியன் என இரு பெரிய தொகைகள் ஒதுக்கப்பட்டுள்ளதாக நிதி அமைச்சர் லாரன்ஸ் வோங் குறிப்பிட்டார்.

 
Article Hard Regwall
 

Register and read for free!

உங்கள் செய்தி வரம்பை எட்டிவிட்டீர்கள். மேலும் படிக்க இலவசக் கணக்கு தொடங்கவும்.
இன்று மேலும் 1 செய்திகளைப் படிக்கலாம். 
மேலும் படிக்க இலவசக் கணக்கு தொடங்கவும்.
 
 
ஏற்கெனவே பதிவுசெய்துள்ளீர்களா?
 
 

அண்மைய காணொளிகள்

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு மாதத்திற்கு $4.90 மட்டுமே! (ஒப்பந்தம் கிடையாது)
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை இலவசமாக வாசிக்க
தடையற்ற சேவைக்கு சந்தாதாரராகுங்கள். TM Icon
X

அதற்குள்ளாகவா? இந்தச் செய்திகளையும் படிக்கலாமே!

அதற்குள்ளாகவா?
இந்தச் செய்திகளையும் படிக்கலாமே!