மாணவர் முரசு
இ-பேப்பர்
சிங்கப்பூரில் இயற்கை எரிவாயுவில் (CNG) ஓடும் வாகனங்களின் எண்ணிக்கை சென்ற மாத முடிவில் வெறும் 163 ஆக இருந்தது. அவற்றில் 162 பயணிகள் செல்லும் கார்கள். ஒன்று வர்த்தக வாகனமாக இருந்தது.
சிங்கப்பூரில் 2011ல் சாலையில் ஓடிய இத்தகைய வாகனங்களின் எண்ணிக்கை 5,522 என்பது குறிப்பிடத்தக்கது. இவற்றில் 2,642 கார்கள், 2,836 டாக்சிகள், 22 வர்த்தக வாகனங்கள், 22 பேருந்துகள் ஆகியவை அடங்கும்.
சிங்கப்பூரில் சாலைகளில் ஓடிய மொத்த வாகனங்களில் வெறும் 0.6% அளவாக மட்டுமே அவை இருந்தன. எரிவாயு வாகனக் குறைவுக்குப் போதிய உள்கட்டமைப்பு வசதிஇல்லாத நிலை, செலவு முதலானவை காரணங்களாகக் கூறப்படுகின்றன.