மாணவர் முரசு
இ-பேப்பர்
ஆர்ச்சர்ட் சாலையின் ஆகப் பழைய சில்லறை விற்பனைத் தலங்களின் ஒன்றான தங்ளின் கடைத்தொகுதியை, ராயல் கோல்டன் ஈகிள் நிறுவனம் $868 மில்லியன் விலைக்கு வாங்கிஉள்ளது. எதிர்பார்க்கப்பட்டதைவிட இது 10% அதிக தொகையாகும்.
முன்னதாக $828மில்லியன் தொடக்க விலைக்கு அதனை விற்க முன்மொழியப்பட்டிருந்தது.
ராயல் கோல்டன் ஈகிள் நிறு வனம் அதைவிட 40 மில்லியன் வெள்ளி அதிகம் கொடுத்து இடத்தைக் கையகப்படுத்தியுள்ளது.
313,000 சதுர அடிக்கும் அதிகமான பரப்பளவு கொண்ட தங்ளின் கடைத் தொகுதியில் மொத்தம் 364 கடைகள் உள்ளன.
12 மாடிகளும், இரண்டு நிலத்தடித் தளங்களும், இணைப்பாக எட்டு மாடி கார் நிறுத்துமிடமும் அதில் உண்டு.
தங்ளின் கடைத்தொகுதி, வில்லங்கம் இல்லாத வர்த்தக இடம் என்பது அதன் சிறப்பம்சம்.
அதனால் அந்த இடத்தை வாங்குவதற்குக் கடுமையான போட்டி இருந்ததாகக் கூறப்பட்டது.
இந்தோனீசியச் செல்வந்தரான சுகான்டோ டனோட்டோவிற்குச் சொந்தமான பசிஃபிக் ஈகிள் சொத்துச் சந்தை நிறுவனம், ஏற்கெனவே கிரேக் சாலையில் உள்ள சைனாடவுன் பிளாஸா கட்டடத்தை வாங்கி அங்கு சொகுசு ஹோட்டல் ஒன்றைக் கட்டியுள்ளது.