பரிசோதனை விதிமுறை தளர்வால் பலனடையும் சில துறைகள்

சென்ற வாரம் தளர்த்­தப்­பட்ட விதி­மு­றை­யின்­படி பல்­வேறு துறை­களில் இனி ஊழி­யர்­க­ளுக்­குத் திட்­ட­மிட்டு கொவிட்-19 பரி­சோ­த­னை­களை மேற்­கொள்­ளத் தேவை­யில்லை. சம்­பந்­தப்­பட்ட துறை­கள் இதை வர­வேற்­றுள்­ளன.

உணவு, பானத் துறை ஊழி­யர்­கள், கடைத்­தொ­குதி ஊழி­யர்­கள், விமான நிலை­யம் போன்ற எல்­லைப் பகு­தி­களில் வேலை செய்­வோர் உள்­ளிட்­டோ­ருக்கு அடிக்­கடி பரி­சோ­த­னை­களை மேற்­கொள்­வது இது­வரை கட்­டா­யமாக இருந்­தது. இனி சுகா­தா­ரப் பரா­ம­ரிப்பு, மூத்­தோர் பரா­ம­ரிப்பு, தடுப்­பூசி போட்டுக்­கொள்­ளாத பிள்­ளை­கள் இருக்­கும் பாலர் பள்­ளி­கள் போன்ற கிரு­மித்­தொற்­றுக்கு ஆளா­கும் சாத்­தி­யம் உள்­ள­வர்­கள் அதி­கம் இருக்­கும் துறை­களில் மட்­டும்­தான் திட்டமிட்டு ஊழி­யர்­க­ளுக்­குப் பரி­சோதனை­களை மேற்­கொள்­ள­வேண்­டும்.

இந்த விதி­முறை தளர்த்­தப்­பட்­டதால் தங்களின் நிதி, செயல்­பாடு­கள் சார்ந்த சுமை குறை­வ­தாக சில நிறு­வ­னங்­கள் ஸ்ட்­ரெய்ட்ஸ் டைம்­ஸி­டம் தெரி­வித்­தன. இத­னால் ஊழி­யர்­க­ளி­டை­யேயும் மேற்­பார்­வை­யா­ளர்­க­ளி­டையேயும் பதற்­ற­மும் குறைந்­துள்­ள­தாக சிலிகி சாலை­யில் அமைந்­துள்ள 'ஜிஆர்.ஐடி' கடைத்­தொ­கு­தி­யின் பேச்­சா­ளர் கூறி­னார்.

'ஏஆர்டி' பரி­சோ­தனைக் கரு­வி­க­ளால் சேரும் பிளாஸ்­டிக் குப்­பை­யின் அள­வும் குறை­வ­தாக அவர் குறிப்­பிட்­டார். 'பிஹெச்ஜி' போன்ற சில கடைகளும் இவ்வாறு கூறின.

திட்­ட­மிட்டு பரி­சோ­த­னை­களை மேற்­கொள்­வ­த­ால் சரா­ச­ரி­யாக ஓர் ஊழி­ய­ருக்கு 20 வெள்ளி செலவு செய்­ய­வேண்­டி­யி­ருந்­த­தாக 'ஜிகர் ஆண்ட் போனி' நிறு­வ­னம் கூறி­யது. இப்­போது அத்­த­கைய செலவு­கள் குறை­வ­தாக அந்­நி­று­வ­னம் சுட்­டி­யது. விதிமுறை தளர்த்தப்பட்ட பிறகு வெளி­நாட்டு ஊழி­யர் தங்­கு­விடுதி­களி­லும் இனி திட்­ட­மிட்டு பரி­சோதனை­களை மேற்­கொள்­ளத் தேவை­யில்லை. இதன் மூலம் தங்­களின் செயல்­மு­றை­கள் சீரா­வ­தாக தங்கு­வி­டு­தி­கள் கூறின.

தங்­கு­வி­டு­தி­களைச் சுத்­த­மாக வைத்­தி­ருப்­பது, மேம்­பாட்டு நடவ­டிக்­கை­களை மேற்­கொள்­வது, பாது­காப்பை உறு­தி­செய்­வது போன்ற பணி­களில் இனி கூடு­தல் கவ­னம் செலுத்­த­மு­டியும் என்று சில தங்கு­வி­டு­தி­கள் தெரி­வித்­தன.