சட்டவிரோதமான குதிரை பந்தயம் சூதாட்டம்: ஐவரிடம் காவல்துறை விசாரணை

சட்டவிரோதமாகக் குதிரை பந்தயம் சூதாட்டத்தில் ஈடுப்பட்டதாக சந்தேகிக்கப்படுகின்ற 64 வயதிலிருந்து 86 வயது வரை இருக்கும் ஐவரின் மீது காவல்துறை விசாரணை நடத்தி வருகின்றது.

சனிக்கிழமை (மார்ச் 12) அன்று வாம்போ டிரைவில் காவல்துறை நடத்திய அமலாக்க நடவடிக்கையில் $3000 மேல் கைப்பற்றப்பட்டது.

மூவர் சட்டவிரோதமான பந்தயக்காரர்கள் என்றும், மற்ற இருவரும் அவர்களிடத்தில் பந்தயம் கட்டியவர்கள் என்றும் ஆரம்பக்கட்ட விசாரணையில் கண்டறியப்பட்டதாக திங்கட்கிழமையன்று காவல்துறை தெரிவித்தது.

தற்போது விசாரணை நடந்துகொண்டிருக்கிறது.

பந்தயக்காரர்களிடத்தில் பந்தயம் கட்டுபவர்களுக்கு $5000 வரை அபராதம் அல்லது ஆறு மாதங்கள் வரை சிறை தண்டனை அல்லது இரண்டுமே விதிக்கப்படலாம் என்று காவல்துறை எச்சரித்தது.

பந்தயக்காரர்களுக்கு $20,000யிலிருந்து $200,000 வரை அபராதமும் ஐந்து ஆண்டுகள் வரை சிறை தண்டனையும் விதிக்கப்படலாம்.

தொடர்ந்து இதுபோன்ற சட்டவிரோதமான நடவடிக்கைகள் தடுக்கப்படும் என்றும், சட்டவிரோதமாக சூதாட்டத்தில் ஈடுபடுபவர்களின் மீது கடும் நடவடிக்கை எடுக்கப்படும் என்றும் காவல்துறை தெரிவித்தது.