இளையர்களுக்கான வேலைச் சந்தை மேம்பட்டது

2020ல் தொற்­று­நோய் உச்­சத்­தில் இருந்த காலத்­து­டன் ஒப்­பி­டும்­போது சிங்­கப்­பூ­ரில் இளை­யர்­க­ளின் வேலை­வாய்ப்பு குறிப்­பி­டத்­தக்க முன்­னேற்­றத்­தைக் கண்­டுள்­ளது என்று கடந்த ஆண்டு புள்­ளி­வி­வ­ரங்­களில் தெரியவந்­துள்­ளது.

மனி­த­வள அமைச்சு நேற்று வெளி­யிட்ட தனது 2021 தொழி­லா­ளர் சந்தை தொடர்­பான அறிக்­கை­யில், சிங்­கப்­பூ­ரில் உள்ள 15க்கும் 24 வய­துக்­கும் இடைப்­பட்ட குடி­யு­ரிமை மற்­றும் நிரந்­த­ர­வா­சத் தகுதி பெற்ற இளை­யர்­க­ளின் வேலை­யின்மை விகி­தம் 2020ல் இருந்த 10.6 விழுக்­காட்­டி­லி­ருந்து 7.3 விழுக்­காட்­டுக்­குக் குறைந்­துள்­ளதாகத் தெரிவிக்கப்பட்டுள்ளது.

கடந்த ஆண்டு இளை­யர்­கள் முக்­கி­ய­மாக பொது நிர்­வா­கம், கல்வி, சுகா­தா­ரம், சமூக சேவை­கள் போன்ற துறை­க­ளி­லும், நம்­பிக்­கை­யான பொரு­ளி­யல் நிலை­மை­க­ளுக்கு மத்­தி­யில் மொத்த மற்­றும் சில்­லறை வர்த்­த­கத்­தி­லும் வேலை­வாய்ப்­பைப் பெற்­ற­னர்.

மேம்­பட்ட பொரு­ளி­யல் நிலைமை அதிக இளை­யர்­களை வேலைச் சந்­தை­யில் நுழைய ஈர்த்­துள்­ளது என்று மனி­த­வள அமைச்சு கூறி­யது.

2018, 2019 எனும் கொவிட்-19க்கு முந்­தைய ஆண்­டு­களில் இருந்த சுமார் 38 விழுக்­காட்­டை­விட இளை­யர் தொழி­லா­ளர் பங்­கேற்பு விகி­தம் 2021ல் 41.3 விழுக்­கா­டாக இருந்­தது.

இந்த அதி­க­ரித்த பங்­கேற்பு, 2021ல் இளை­யர் வேலை­யின்மை விகி­தம் உயர்ந்­த­தற்­குக் கார­ண­மாக அமைந்­தது. ஒப்­பு­நோக்க, அது 2018ல் 6.6 விழுக்­கா­டாக இருந்­தது என்று அமைச்சு விவ­ரித்­தது.

இளை­யர்­க­ளின் வேலை­யின்மை விகி­தம் தற்­கா­லி­க­மா­னது அல்­லது குறு­கிய காலத்­துக்கு நீடிக்­கக்கூடி­யது.

2021ஆம் ஆண்­டில், நீண்­ட­காலத்­துக்கு வேலை­யில்­லா­மல் இருந்த இளை­யர்­க­ளின் விகி­தம் 16.4 விழுக்காடாக இருந்­தது. இது பெரி­ய­வர்­கள் தொடர்பான விகி தத்தைவிட குறை­வா­கும். உதா­ர­ண­மாக, 50 முதல் 59 வய­துக்­குட்­பட்­ட­வர்­களில் 34.6 விழுக்­காட்­டி­னர் நீண்­ட­கா­லம் வேலை இல்­லா­மல் இருந்­த­னர்.

2018ஆம் ஆண்­டின் இதே காலாண்­டின் 53 விழுக்­காட்­டி­ன­ரு­டன் ஒப்­பி­டு­கை­யில், 2021ஆம் ஆண்டு ஜூன் மாதத்­தில் ஒரு சிறிய பெரும்­பான்மையில், அதாவது, 56 விழுக்­காட்­டி­னர் முழு­நே­ரப் பணி புரிந்­துள்­ள­னர்.

அந்த அறிக்­கை­யில், வேலை­வாய்ப்பு, கல்வி அல்­லது பயிற்சி ஆகி­ய­வற்­றில் அல்­லா­மல் சிங்­கப்­பூ­ரில் இளை­யர்­க­ளின் எண்­ணிக்கை குறை­வாக இருப்­ப­தா­க­வும் அமைச்சு கூறி­யுள்­ளது.

2020ஆம் ஆண்­டில் கொவிட்-19 தொற்­று­நோய் உச்­சத்­தில் இருந்த காலத்­தில் 5.3 விழுக்­காட்­டி­லி­ருந்து இத்­த­கைய இளை­யர்­க­ளின் வேலை­யில்லா விகி­தம் 4.5 விழுக்­கா­டா­கக் குறைந்­துள்­ளது.

"இது எங்­க­ளின் தர­மான கல்வி மற்­றும் பயிற்சி முறை­யைப் பிரதி பலிக்­கிறது. இது 2021ல் இளை­யர்­கள் அதிக முழு­நேர வேலை­வாய்ப்­பைத் தேடி­ய­தால், இளை­யர்­கள் வெற்­றி­க­ர­மாக தொழி­லா­ளர் சக்­தி­யாக மாறு­வ­தற்கு உத­வி­யது என்­றும் அமைச்சு கூறியது.