ரோச்சோர் வட்டாரத்தில் முதல் பார்சி அரும்பொருளகம் திறப்பு

பார்சி சமூ­கத்­தி­ன­ருக்­கான அரும்­பொ­ரு­ள­கம் ஒன்று நேற்று இங்கு திறக்­கப்­பட்­டது. இதன்­மூ­லம் அந்­தச் சமூ­கத்­தைப் பற்றி அறிந்­து­கொள்­ளும் வாய்ப்பு சிங்­கப்­பூ­ரர்­க­ளுக்­குக் கிட்­டி­யுள்­ளது.

ரோச்­சோர் வட்­டா­ரத்­தின் டெஸ்­கர் ரோட்­டில் உள்ள ஸொரோஸ்ட்­ரிய கட்­ட­டத்­தில் அரும்­பொ­ரு­ள­கம் இடம்­பெற்று உள்­ளது.

பண்­டைய ஸோரோஸ்ட்­ரிய சம­யத்­தின் வழித்­தோன்­றல் பார்சி சமூ­கம் என வர­லாறு குறிப்­பி­டு­கிறது. அந்­தச் சமூ­கத்­தைப் பிர­தி­நி­திக்­கும் சுமார் 350 பேர் இங்கு உள்­ள­னர். மேலும், சிங்­கப்­பூ­ரின் அங்­கீ­கா­ரத்­தைப் பெற்ற பத்து சம­யங்­களில் ஒன்று ஸோரோஸ்ட்­ரிய சம­யம்.

'ஜாயஸ் ஃபிளேம்' என்ற பெய­ரில் இரண்டு தளங்­களில் அமைக்­கப்­பட்டு உள்ள அரும்­பொ­ரு­ள­கம் நிரந்­த­ரக் காட்­சிக் கூட­மா­கத் தொட­ரும். பழங்­கா­லத்­தில் பார்சி சமூ­கத்­தி­னர் பயன்­ப­டுத்­திய பொருள்­கள் இங்கு காட்­சிக்கு வைக்­கப்­பட்டு உள்­ளன.

சமய ரீதி­யான தொல்­லை­களில் இருந்து விடு­பட கி.பி. ஏழாம் நூற்­றாண்­டில் மேற்கு இந்­தி­யா­விற்­குக் குடி­பெ­யர்ந்­த­வர்­கள் பார்­சிய சமூ­கத்­தி­னர். ஆதி காலத்­தில் இவர்­கள் பெர்­ஷியர் என அழைக்­கப்­பட்­ட­னர். சிங்­கப்­பூ­ரி­லும் அவர்­கள் தடம் பதித்த வர­லாறு உண்டு. கிட்­டத்­தட்ட 200 ஆண்­டு­க­ளுக்கு முன்­னர் கைதி­யாக இங்கு கொண்­டு­வ­ரப்­பட்ட மன்­செர்ஜீ என்­ப­வரே இங்கு கால்­ப­தித்த முதல் பார்சி ஆவார்.

"இப்­போது நிறு­வப்­பட்­டுள்ள அரும்­பொ­ரு­ள­கத்தை இதற்கு முன்­னர் நாங்­கள் கண்­ட­தில்லை. கடந்த பத்து, இரு­பது ஆண்­டு­க­ளாக எங்­க­ளது எண்­ணிக்கை வளர்ந்­து­வ­ரு­வ­தால் இப்­படி ஒரு காட்­சிக்­கூ­டம் அவ­சி­யம் என்­னும் உணர்வு அதி­

க­ரித்­துள்­ளது," என்று தென்­கி­ழக்­கா­சிய பார்சி ஸோரோஸ்ட்­ரிய சங்­கத்­தின் தலை­வர் ஹோமி­யர் வாச­னியா கூறி­னார்.

"எங்­க­ளது சமூ­கத்­தி­னர் தங்­க­ளது வர­லாற்­றை­யும் கலா­சா­ரத்­தை­யும் அதி­கம் தெரிந்­து­கொள்ள இது தேவை என்­ப­தை­யும் உணர்ந்­தோம். எங்­க­ளைப் பற்றி நாங்­கள் தெரிந்­து­கொள்ள இந்த அரும்­பொ­ரு­ள­கத்தை அவ­சி­ய­மான ஒன்­றா­கக் கரு­து­கி­றோம்," என்­றார் அவர்.

தங்­க­ளது சமூ­கத்­தைப் பற்றி அறிந்­து­கொள்­ளும் ஆவ­லில் பல்­வேறு பள்­ளிக்­கூ­டங்­கள், அரும்­பொ­ரு­ள­கங்­கள், அமைப்­பு­கள் மற்­றும் ஆராய்ச்­சி­யா­ளர்­கள் தங்­க­ளது சங்­கத்தை அணு­கி­ய­தாக அவர் தெரி­வித்­தார்.

மேலும், இந்த அரும்­பொ­ரு­ள­கத்­துக்­கான கட்­டு­மா­னப் பணி கொவிட்-19 கொள்­ளை­நோய் பர­வு­வ­தற்கு சில மாதங்­கள் முன்­ன­தா­கத் தொடங்­கி­ய­தாக திரு ஹோமி­யர் குறிப்­பிட்­டார்.

அரும்­பொ­ரு­ள­கத் திறப்பு நிகழ்­வில் பங்­கேற்ற கலா­சார, சமூக, விளை­யாட்­டுத் துறை அமைச்­சர் எட்­வின் டோங், பார்சி சம­யத்­தினர் அள­வில் சிறி­தாக இருந்­த­போ­தி­லும் சிங்­கப்­பூ­ரின் வள­மான சமூக ஒருங்­கி­ணைப்­புக்­குத் துடிப்­பு­டன் பங்­காற்றி வரு­வ­தா­கக் கூறி­னார். சிங்­கப்­பூ­ரர்­கள் இச்­ச­மூ­கத்­தைப் பற்­றித் தெரிந்­து­கொள்ள இந்த அரும்­பொ­ரு­ள­கம் உத­வும் என்­றார் அவர்.

தொடக்­கத்­தில் காலூன்­றிய பார்சி சமூ­கத்­தி­னர், எண்­ணிக்­கை­யில் சிறிய அள­வில் இருந்­த­போ­தி­லும் செல்­வந்­தர்­க­ளாக உரு­வெ­டுத்து மற்­ற­வர்­க­ளுக்கு எடுத்­துக்­காட்­டா­கத் திகழ்ந்­த­னர். இந்து, இஸ்­லாம், சீன கலா­சா­ரங்­களில் தங்­க­ளைக் கவர்ந்த அம்­சங்­க­ளைத் தங்­க­ளது பழக்­க­வ­ழக்­கங்­களில் பின்­பற்றி இங்கு சிறப்­பான முறை­யில் ஒருங்­கி­ணைந்­த­னர்.

அவர்­க­ளின் கொடுத்து உத­வும் குண­மும் வர்த்­தக நட­வ­டிக்­கை­களும் இங்கு பிர­ப­ல­மாக விளங்­கின. குறிப்­பாக, 1952ஆம் ஆண்டு சிங்­கப்­பூர் பொது மருத்­து­வ­ம­னை­யின் குழந்­தை­க­ளுக்­கான சிகிச்­சைப் பிரி­வுக்­குக் கட்­ட­டம் எழுப்ப, சிங்­கப்­பூ­ரில் பிர­பல தொழில்­மு­னை­வ­ராக விளங்­கிய பார்சி சமூ­கத்­தைச் சேர்ந்த நவ்­ரோஜி மிஸ்ட்ரி அந்­தக் காலத்­தி­லேயே $1 மில்­லி­யன் நன்­கொடை வழங்­கி­னார்.

 
Article Hard Regwall
 

Register and read for free!

உங்கள் செய்தி வரம்பை எட்டிவிட்டீர்கள். மேலும் படிக்க இலவசக் கணக்கு தொடங்கவும்.
இன்று மேலும் 1 செய்திகளைப் படிக்கலாம். 
மேலும் படிக்க இலவசக் கணக்கு தொடங்கவும்.
 
 
ஏற்கெனவே பதிவுசெய்துள்ளீர்களா?
 
 

அண்மைய காணொளிகள்

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு மாதத்திற்கு $4.90 மட்டுமே! (ஒப்பந்தம் கிடையாது)
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை இலவசமாக வாசிக்க
தடையற்ற சேவைக்கு சந்தாதாரராகுங்கள். TM Icon
X

அதற்குள்ளாகவா? இந்தச் செய்திகளையும் படிக்கலாமே!

அதற்குள்ளாகவா?
இந்தச் செய்திகளையும் படிக்கலாமே!