ஆடம்பர பங்களா வீடுகளின் விற்பனை புதிய உச்சம்

ஆடம்­பர பங்­க­ளாக்­களை உள்­ள­டக்­கிய குடி­யி­ருப்­புச் சந்தை (குட் கிளாஸ் பங்­களா) கடந்த ஆண்டு ஏற்­றம் கண்­டது. கைமா­றிய வீடு­க­ளின் எண்­ணிக்­கை­யும் அவற்­றின் விலை­க­ளும் புதிய உச்­சத்­தைத் தொட்­டன.

2021 முதல் பாதி­யில் கண்ட ஏற்­றம் ஆண்­டின் பிற்­பா­தி­யி­லும், ஆண்­டி­றுதி விழாக்­கள் மற்­றும் குறை­வான விநி­யோ­கத்­திற்கு மத்­தி­யில் அதே­வே­கத்­து­டன் தொடர்ந்­த­தாக சிபி­ஆர்இ பகுப்­பாய்­வா­ளர்­கள் தெரி­வித்­துள்­ள­னர்.

ஆண்­டின் பிற்­பா­தி­யில் மட்­டும் $1.22 பில்­லி­யன் மதிப்­புள்ள 40 பரி­வர்த்­தனை நட­வ­டிக்­கை­கள் இடம்­பெற்­ற­தாக சிபி­ஆர்இ கூறி­யது. இத­னை­யும் சேர்த்து அந்த ஆண்­டின் முழு­மைக்­கு­மான பரி­வர்த்­த­னை­யின் எண்­ணிக்­கையை 99க்கு உயர்த்­தி­யது. அதன் மதிப்பு $3 பில்­லி­யன்.

2010ஆம் ஆண்டு $2.43 பில்­லி­ய­னுக்­குப் பரி­வர்த்­த­னை­கள் நடந்­ததே இது­வரை சாதனை அள­வாக இருந்­து வந்­தது. கடந்த ஆண்­டின் செயல்­பாடு அதனை மிஞ்­சி­விட்­டது.

அத்­து­டன் 2020ஆம் ஆண்டு ஆடம்­ப­ரச் சொத்­து­கள் கைமா­றிய மதிப்­பைக் காட்­டி­லும் கடந்த ஆண்­டின் மதிப்பு கிட்­டத்­தட்ட மூன்று மடங்கு.

2020ஆம் ஆண்டு $1.09 பில்­லி­யன் மதிப்­பி­லான பரி­வர்த்­த­னை­கள் இடம்­பெற்­றன.

'குட் கிளாஸ் பங்­களா' என்­பது அதிக பரப்­ப­ள­வில் அமைந்­தி­ருக்­கக்­கூ­டிய ஆடம்­பர வீடு­க­ளைக் குறிக்­கும்.

குறைந்­த­பட்­சம் 1,400 சதுர மீட்­டர் அல்­லது 15,070 சதுர அடி­யில் ஒவ்­வொரு வீடும் அமைந்­தி­ருக்­கும்.

சிசிபி என சுருக்­க­மாக அழைக்­கப்­படும் இந்த வீடு­களே சிங்­கப்­பூ­ரின் வீட­மைப்­புச் சொத்­துச் சந்­தை­யில் உச்­சத்­தில் இருப்­பவை.