மாணவர் முரசு
இ-பேப்பர்
மறுவிற்பனை கூட்டுரிமை வீடுகளின் விலை, தொடர்ந்து 19வது மாதமாக சென்ற மாதம் அதிகரித்துள்ளது. கொவிட்-19 கிருமித்தொற்று சம்பவங்கள் அதிகரித்ததாலும் உலகளவில் நிலையற்ற சூழல் இருந்துவருவதாலும் மறுவிற்பளை கூட்டுரிமை வீட்டுப் பரிவர்த்தனைகள் குறையவும் செய்தன.
சென்ற மாதம் மறுவிற்பனை கூட்டுரிமை வீட்டு விலை 0.6 விழுக்காடு கூடியது. கடந்த ஜனவரி மாதம் இந்த விகிதம் 0.4 விழுக்காடாகப் பதிவானது.
99.co தளமும் 'எஸ்ஆர்எக்ஸ்' சொத்துச் சந்தை இணையத்தளமும் இந்தப் புள்ளி விவரங்களை வெளியிட்டன. ஆண்டுக்காண்டு அடிப்படையில் சென்ற மாதம் மறுவிற்பனை கூட்டுரிமை வீடுகளின் விலை 8.6 விழுக்காடு அதிகரித்தது.
விற்பனையான மறுவிற்பனை கூட்டுரிமை வீடுகளின் எண்ணிக்கை. கடந்த ஜனவரி மாதம் பதிவானதைக் காட்டிலும் சென்ற மாதம் 9.5 விழுக்காடு குறைந்தது. தொடர்ந்து ஆறாவது மாதமாக விற்பனையான மறுவிற்பனை கூட்டுரிமை வீடுகளின் எண்ணிக்கை குறைந்தது.
சென்ற மாதம் 1,013 மறுவிற்பனை கூட்டுரிமை வீடுகள் விற்பனையாயின. கடந்த ஜனவரி மாதம் இந்த எண்ணிக்கை 1,119ஆகப் பதிவானது. ஆண்டுக்காண்டு அடிப்படையில் சென்ற மாதம் பதிவான மறுவிற்பனை கூட்டுரிமை வீட்டுப் பரிவர்த்தனைகள் 23.9 விழுக்காடு சரிந்தன.